SportPress.kz Qazaqstan sport jańalyqtary
22-24 naýryz kúnderi Grýzııanyń Tbılısı qalasynda shpagamen semserlesýden Álem kýbogy kezeńi bolady. Onda álemniń 60-tan astam elinen jınalǵan sportshylar reıtıngilik upaı men Parıj Olımpıadasynyń joldamasy úshin baq synaıdy, dep habarlady olympic.kz.
Bul týrnırde Rýslan Kýrbanov pen Elmır Álimjanov bastaǵan qurama tarıhta tuńǵysh ret komandalyq synda lıenzııa jeńip alýy múmkin. Álem kýbogyna Qazaqstan sapynan 12 sportshy qatysady.
Olar — Rýslan Kýrbanov, Elmır Alımjanov, Erlik Sertaı, Vadım Sharlaımov, Aleksandr Fedotov, Alekseı Kasatkın, Bogdan Lýkın, Kırıll Pavlov, Kırıll Prohodov, Aleksandr Savın, Georgıı Tınnıkov, Nıkıta Jýlınskıı.
22-23 naýryz kúnderi shpagadan jekeleı syndaǵy jeńimpazdar anyqtalsa, 24 naýryzda komandalyq jarystan Olımpıada joldamasynyń taǵdyry sheshiledi.
Semserlesýden memlekettik jattyqtyrýshy Tımýr Baıtasovtyń aıtýynsha, tarıhı nátıjege jetý úshin qazir komanda músheleri tynbaı daıyndalyp jatyr.
Joldamanyń taǵdyry sheshiletin kún jaqyn. Bizdiń komandanyń lıenzııa alatyn múmkindigi kóp. Basty qarsylasymyz Ońtústik Koreıadan 26 upaıymyz artyq. Qazaqstan shpagashylary Parıj Olımpıadasynyń joldamasyn ıelený úshin Tbılısıde Ońtústik Koreıa komandasy altyn medal almaýy kerek. Sportta boljam jasaý óte qıyn. Sondyqtan aldyn ala ton pishpeı, jigitterdiń sheberligi men tájirıbesine senip, sáttilik serik bolsyn degim keledi. О́ıtkeni, sportta baptan bólek, baqtyń da róli úlken. Eger sátin salyp, osy joldamaǵa ıelik etetin bolsaq, bul Qazaqtan úshin tarıhı lıenzııa bolady. Búginge deıin semserlesýden Qazaqstan quramasy tolyq quramda Olımpıadaǵa qatysyp kórmegen, — dedi Tımýr Baıtasov olympic.kz-ke bergen suhbatynda.
Qazir Qazaqstan komandasy Grýzııada oqý-jattyǵý jıynyna qatysyp jatyr. Quramadaǵy 12 sportshynyń ishinen tórt sportshy joldamaǵa talasady. Olar — Rýslan Kýrbanov, Elmır Alımjanov, Erlik Sertaı, Vadım Sharlaımov tórttigi.
Quramanyń ardager sportshysy Elmır Álimjanov komandalyq jarysqa túbegeıli daıyndalý úshin jekeleı synnan bas tartyp otyr. Bul lıenzııanyń biz úshin qanshalyqty mańyzdy ekenin osydan-aq ańǵarsańyzdar bolady. Elmır bar kúshin komandalyq synǵa saqtap, qalpyna kelip, artyq kúsh jumsamaý úshin osyndaı qadamǵa bardy. Al qalǵan sportshylardyń barlyǵy jekeleı synda óner kórsetedi, — dedi jattyqtyrýshy.
Eger Tbılısıdegi Álem kýbogy kezeńinde sportshylar sátti óner kórsetip, joldamany jeńip alsa, Qazaqstanǵa Parıj Olımpıadasynyń tórt joldamasy beriledi. Onyń úsheýi jekeleı synǵa, bireýi tutas komandaǵa tabys etiledi.
Grýzııadaǵy Álem kýbogy kezeńinde shpagamen semserlesýden Qazaqstan komandasy Azııa qurlyǵyndaǵy jalǵyz joldamaǵa talasady. Álemdik uıym qaǵıdasy boıynsha, olımpıadalyq reıtıngte alǵashqy tórt orynda turǵan komandalar avtomatty túrde Olımpıadaǵa qatysady. Al qalǵan quramalary qurlyqqa bólinetin bir joldamany sarapqa salady.
Qazirgi kezeńde Qazaqstan komandasy olımpıadalyq reıtıngte besinshi orynda tur. Sońǵy ret Qazaqstan komandasy Ońtústik Koreıamen Hanchjoýdaǵy jazǵy Azııa oıyndarynda kezdesip, iri eseppen jeńgen bolatyn.
