وليمپياداعا 26 جولداما بار

بيىل فرانتسيانىڭ استاناسى پاريج قالاسىندا الاۋى تۇتاناتىن  XXXIII جازعى وليمپييالىق ويىندارعا قازاقستان قۇراماسى 26 ليتسەنزيانى يەلەنىپ وتىر. ازىرشە ەل قورجىنىندا سپورتتىڭ 9 ءتۇرى بويىنشا جولداما بار.

اتاپ ايتاندا، بوكستان – 7، نىسانا كوزدەۋدەن – 5، ساداق اتۋدان – 4، تاسجولداعى ۆەلوسپورتتان – 3، زاماناۋي بەسسايىستان – 2، تاەكۆاندودان دا 2، گرەك-ريم كۇرەسى، ەركىن كۇرەس جانە سپورتتىق گيمناستيكادان ءبىر-ءبىر ليتسەنزيا.

ال پاراليمپيالىق ويىنداردا ونەر كورسەتەتىن پارا سپورتشىلار 11 جولدامانى الىپ وتىر، دەپ حابارلادى qazaqstan.tv.

ولاردىڭ ىشىندە جەكەلەي سىندار بويىنشا پارا پاۋەرليفتينگ، پارا كانوە، پارا جەڭىل اتلەتيكا، پارا نىسانا كوزدەۋدەن ءبىر-بىرەۋدەن، ال پارا تاەكۆوندو مەن پارا جۇزۋدەن ءۇش-ۇشتەن ليتسەنزيا بار.

پاراليمپيادادا ۇلتتىق قۇراما كوماندا وتىرىپ وينايتىن ۆولەيبولدان دا جارىسقا قاتىسادى.