Astanada jańa dzıýdo ortalyǵy ashyldy

Astananyń jańa «Nura» aýdanynda Kodokan Spirit atty kóp qyzmetti sport kesheniniń ashylý saltanaty boldy. Buqaralyq  sportty damytý jáne jas  urpaqty salamatty ómir saltyna baýlý maqsatynda elimizde ekinshi Kodokan Spirit kóp qyzmetti sport kesheni iske qosyldy.

Buǵan deıin alǵashqy ortalyq 2021 jyly Oral qalasynda ashylǵan bolatyn.

Aýmaǵy 1200 sharshy metr bolatyn ǵımaratta bir mezette 1000-ǵa jýyq jas sportshylar dzıýdomen aınalysa alady. Zal 180 oryndyqpen, olımpıadalyq sapaly japon tatamı tósenishterimen, zamanaýı jeldetý jáne jaryqtandyrýmen jabdyqtalǵan. Sondaı-aq sport kesheninde toptyq sabaqtarǵa arnalǵan eki shaǵyn bólme, ata-analarǵa arnalǵan yńǵaıly kútý alańy jáne ataqty Oneshott brendiniń kofehanasy bar.

Ashylý saltanatyna Astana qalasy ákiminiń orynbasary Eset Baıken, Astana qalasynyń Dene shynyqtyrý jáne sport basqarmasynyń basshysy Vasılıı Levıt arnaıy qatysty.

Qazir Astanada dzıýdomen aınalysyp júrgen jastar kúnnen-kúnge artyp keledi. Jalpy qalada 3500 eresek jáne jasóspirimder dzıýdomen belsendi aınalasýda. 290 dzıýdoshy kásibı turǵyda shuǵyldanady.

Qala ákimdigi sportshylardy qoldaý maqsatymen Astanada alǵashqy dzıýdo ortalyǵyn ashyp otyr. Bolashaqta Olımpııalyq oıyndarda altyn júldeni áperetin, elimizdiń abyroıyn asqaqtatar jerlesterimiz osy jerden shyǵatynyna senemin! — dedi Astana qalasynyń ákiminiń orynbasary Eset Baıken.

Shyndyǵynda da, dzıýdodan elimizde alǵashqy álem chempıony ataǵyn 2009 jyly 100 keli salmaqta Maksım Rakov alsa, Olımpıadada Ashat Jıtkeev, Eldos Smetov, Galbadrahyn Otgoneeg kúmis, qola medaldi jeńip aldy. Alaıda dzıýdo sportyna degen qyzyǵýshylyq joǵary bolǵanymen, Olımpıada chempıony ataǵy buıyrmaı keledi.

Dzıýdo sportynyń mamany Jandos Qonysbaevtyń aıtýynsha, 25 jyl ishinde Astana qalasynda dzıýdo sekııalary ár jerde kishigirim ǵana bolsa, endi olardyń basyn biriktirý múmkindigi berildi.

Bir ereksheligi, Astana qalasy dzıýdo federaııasynyń prezıdenti Ǵaısa Jumaǵalıev bul keshendi memlekettiń bıýdjetimen emes, ınvestıııalyq jobanyń arqasynda ashty.