SportPress.kz قازاقستان سپورت جاڭالىقتارى
كوزىندە وت، بويىندا نامىس، مىنەز قايرات، جىگەرى جوق كوماندامەن قانداي جەڭىسكە جەتەسىڭ ايتشى اعايىن!
ءبارى قورقىپ ويناپ ۇيىقتاپ ءجۇر. ءتىپتى دوپتى العاندا نە ىستەرىن بىلمەي ساسىپ قايدا بولسا سوندا تەبە سالادى. ول نەنى بىلدىرەدى؟ ول جوعارىدا ايتقانمەنمەن قاتار شەبەرلىكتىڭ ساياز ەكەنىن ايتەۋىر ويناپ شىقساق دەگەن تويىنعان جاننىڭ كەيپىن بىلدىرەدى. ال، سوڭعى 30 جىلعا كەلسەك، نازارباەۆتىڭ رەجيمى فۋتبول عانا ەمەس بارلىق سالانىڭ دامۋىنا تۇساۋ بولدى. بىراق ول باستى سەبەپ دەپ ويلامايمىن.
انا نيگەريا، كوت د يۆۋار، گانا ەلدەرىندە نەگە فۋتبولى الدە قايدا جوعارى؟ نەگە الەمدىك دەڭگەيدەگى جۇلدىزدار شوعىرى جەتەرلىك؟ ويتكەنى، «التىن كۇلدىڭ اراسىندا جاتسا دا جىلتىراپ جاتادى»، دەگەن. ەكونوميكاسى الدە قايدا تومەن ەلدەردەگى فۋتبولدىڭ قارىشتاپ دامۋىنا قاراپ تاڭ قالامىز. زالقى اشقۇرساق بولسا دا فۋتبولعا دەگەن سۇيىپەنشىلىگى، ماحابباتى شەكسىز. بىزدە ءبارى باسقاشا وسىنىڭ كەرى ءتۇرى.
قىسقاسى، ەشقانداي اقتالۋدىڭ قاجەتى جوق. اديەۆتىڭ دە باس باپكەر رەتىندە كىناسى بار. استانوۆ، مارەچكين، قايىروۆ، سامورودوۆ سەكىلدى ويىنشىلاردىڭ ورنىنا اسحات تاعابەرگەن، ابات ايىمبەتوۆتى العاشقى مينۋتتان باستاپ شىعارعاندا ءبىر وزگەرىس ءبىر ءۇمىت بولار ما ەدى دەپ قويامىز. بىراق ول دا سەبەپ ەمەس شىعار. دەگەنىمەن دە سلوۆەنيامەن شەشۋشى ويىندا جەڭىسكە قالايدا جەتۋ كەرەك ەدى. ول جاقتا دا سول باياعى نەگىزى ويىنشىلار بولىمسىز جاراقاتىنا قاتىستى الاڭعا شىقپادى. وكىنىشكە قاراي، ول جەڭىستى سىرت الاڭدا كورە المادىق.
الگى ورىستىڭ اتاقتى كوممەنتاتورى كوماندانىڭ جەڭىلىپ جاتقانىنا كۇيىپ كەتىپ: «نام تاكوي فۋتبول نە نۋجەن»، دەگەن ەكەن.سول ايتقانداي بىزگە مۇنداي 0:5 ەسەبىمەن شەشۋشى ويىندا جەڭىلۋ ءتىپتى كەرەك ەمەس ەدى. بىراق سولاي بولدى.قازاق جانكۇيرەلەرى جانىن سالىپ كورگەن ويىندا ويسىراي جەڭىلىپ، ەلىمىزدى جەرگە قاراتقانى كوماندانىڭ جانىمىزعا شوق سالعانداي قاتتى كۇيىندىك.
ەندى كوماندا قايتا جاڭارىپ، نامىسى زور، ويىنى جان سۇيسىنتەر جاس تالانتتاردى جيناپ، ەرتەڭگى كۇنگە ۇمىتپەن قاراۋعا تۋرا كەلەدى. جاستارعا ۇلكەن مۇمكىندىكتەر بەرۋ كەرەك، فۋتبول اكدەميالاردى كوبەيتىپ، فۋتبول الاڭدارىن سالۋ كەرەك. سوسىن ەڭ ماڭىزدىسى قازاق جاستارىن كوپتەپ تارتۋ ماڭىزدى. ويتكەنى، قازاقتار عانا ەل ءۇشىن،جەر ءۇشىن جان اشىپ، نامىستى بەرمەۋگە تىرىسادى. التايدان الاتاۋعا دەيىن سوزىلىپ جاتقان كەڭ بايتاق دالامىزدى نايزانىڭ ۇشىمەن، بىلەكتىڭ كۇشىمەن قازاقتىڭ عانا باتىرلارى جاۋلاردان قورعاپ قالعانىن ۇمىتپاساق ەكەن. باسقا ۇلتتىڭ ۇلتتىق قۇراماعا الۋدىڭ ەش قاجەتى جوق. ولاردىڭ شابان قيمىلى، «پاس بەرسە تەبەمىن بەرمەسە جۇرە بەرەمىن»، دەگەن قالاي بولسا سولاي ويىندارىن كورىپ قارنىڭ اشىپ وسىنداي ويعا ەرىكسىز كەلەسىڭ. بابى جوق كوماندانىڭ تاعى جوق بولدى. باسقا ايتار ءۋاج جوق. ايتا بەرسەڭ جەڭىلىستىڭ سەبەپ-سالدارى ءبىر تۇيەگە جۇك ارتقانداي. وتە وكىنىشتى.
تۇندەگى ويىنداعى جەڭىلستەن كەيىن باقتيار زاينۋتدينوۆتىڭ كوز جاسى كوپ نارسەگە جاۋاپ بەرىپ تۇرعانداي.
اقىن ورداباي ۇلى،
الماتى
