SportPress.kz قازاقستان سپورت جاڭالىقتارى
باتۋتتىق گيمناستيكادان الەم كۋبوگىنىڭ بەسىنشى كەزەڭىنىڭ قورىتىندىسى بويىنشا دانيل مۇساباەۆ پاريج وليمپياداسىنىڭ جولداماسىن جەڭىپ الدى.
25 جاستاعى سپورتشى بىلتىر قىتايدىڭ حانچجوۋ قالاسىندا وتكەن جازعى ازيا ويىندارىندا باتۋتتىق گيمناستيكادان جەكە جاتتىعۋدا ءبىرىنشى رەت كۇمىس جۇلدەنى يەلەنگەن بولاتىن.
بۇعان دەيىن باتۋتتىق گيمناستيكادان 2016 جىلى ريو-دە-جانەيرو وليمپياداسىندا العاش رەت پيرمامماد اليەۆ قاتىسىپ، 12-ورىنعا يە بولعان ەدى.
قازىر قازاقستان سپورتشىلارىندا وليمپيادانىڭ 31 جولداماسى بار. دانيل مۇساباەۆقا دەيىن. رۋسلان قۇربانوۆ، ۆاديم شارلايموۆ، ەرلىك سەرتاي مەن ەلمير ءالىمجانوۆ گرۋزيانىڭ تبيليسي قالاسىندا سەمسەرلەسۋدەن ءوتىپ جاتقان الەم كۋبوگىنىڭ شەشۋشى كەزەڭىندە ساپى جاتتىعۋى بويىنشا وليمپيادانىڭ جولداماسىن جەڭىپ الدى.
داستان كەنجالين،
استانا
