SportPress.kz Qazaqstan sport jańalyqtary
17-21 sáýir aralyǵynda Katardyń astanasy – Doha qalasynda sporttyq gımnastıkadan Álem kýbogynyń kezeńi ótedi, dep habarlady Týrızm jáne sport mınıstrliginiń Sportty damytý dırekııasy.
Jarys qorytyndysy boıynsha Olımpıada lıenzııasyn alǵan gımnastar belgili bolady. Ulttyq qurama sapynan Narıman Kýrbanov at snarıadynda oıyndar joldamasyna ıelik etýge bir taban jaqyn tur.
Qazaqstan erler quramasynyń bas jattyqtyrýshysy Aleksandr Kım Kýrbanovtyń joldamany alýǵa múmkindigi jaqsy ekenin aıtty.
Dohadaǵy sheshýshi kezeńde Narımanǵa úzdik úshtikke kirý qajet. Sol kezde izin qýǵan eshqandaı qarsylasy qýyp jete almaıdy. Qazir úsh kezeńnen keıin onyń enshisinde 66 upaı bar. Kaırde 16 ball, Kotbýsta 30 ball, Bakýda 20 ball alǵan. Qazir ol reıtıngte ekinshi orynda.
Eger Lı Chı Kaı Dohada at snarıadynda top jarsa, 30 ball qosylyp, onyń upaı sany 68-ge jetedi. Sol sebepti Narıman kem degende úzdik úshtikten túspeýi kerek. Ia bolmasa Taıpeı sportshysy altyn júldesiz qalýy qajet. Barlyq 4 kezeńnen keıin eń joǵary 3 jarystaǵy upaılar esepke alynady. Demek, Narıman Dohada jaqsy óner kórsetse, Kaırdegi nátıjesi esepke alynbaıdy, — dedi Aleksandr Kım.
Qazir Qazaqstan enshisinde sporttyq gımnastıkadan Olımpıadanyń 1 joldama ıegeri bar. Byltyr Antverpendegi álem chempıonatynda Mılad Karımı qola medalmen birge kópsaıysta joldamany ýysyna túsirgen.
Katardyń astanasyndaǵy Álem kýbogyna erler quramasynda Mılad Karımı, Dmıtrıı Patanın, Dıas Toıshybek, Narıman Kýrbanov barady.
Erkin jattyǵý, qossyrǵaq pen tirenip sekirýde Karımı men Patanın, at snarıadynda Kýrbanov pen Toıshybek, qos shyǵyrshyqta Patanın, kermede Toıshybek pen Karımı óner kórsetedi.
Áıelder jarysynda Aıda Baýyrjanova, Darıa Iasınskaıa synǵa túsedi. Olar tirenip sekirý, ár bıiktiktegi qossyryqta, erkin jattyǵý men bórenede jarysady.
