Asyq pen ashyk: Ázerbaıjan Kóshpendiler oıyndaryna qatysady

Asyq atý federaııasynyń delagaııasy Ázerbaıdan Respýblıkasynyń astanasy – Baký qalamsyna baryp, osy eldiń Ulttyq sport túrleri qaýymdastyǵynyń ókilderimen kezdesti.

Kezdesýge «Sport juldyzdary» jýrnalynyń bas redaktory, Asyq atý federaııasynyń bas hatshysy Musaǵalı Tasqalıev pen «Sport juldyzdary» respýblıkalyq jýrnalynyń atqarýshy dırektory Bolatbek Saǵymbaev, Ázerbaıjan jaǵynan Ulttyq sport túrleri qaýymdastyǵynyń prezıdenti Kazım Gýrbanov, uıymnyń vıe-prezıdenti Samır Abdýllaev pen bas hatshysy Seımýr Gýrbanov qatysty.

Jas bolsa da baýyrlas eldiń ulttyq sportyn órge súırep júrgen azamat bizdi jylyshyraımen qabyldap, qurmet kórsetti. Biz de óz kezegimde olarǵa bıylǵy jyly Astanada ótetin V Dúnıejúzilik kóshpendiler oıyndarynyń shaqyrýy men erejesin jáne tujyrymdamasyn tabys ettik. Budan bólek ázerbaıjan baýyrlarǵa ózimizdiń Asyq atý sportynyń oıyn kilemin jáne asyqtar jıyntyǵyn syıladyq. Tek syılap qana qoımaı asyq oıyny qalaı oınalatynyn kórsetip, túsindirip berdik. Kezdesýge qatysqan Ázerbaıjan ulttyq sport túrleri qaýymdastyǵynyń vıe-prezıdenti Samır Abdýllaev pen bas hatshysy Seımýr Gýrbanovtar da qaýymdastyq prezıdentimen birge asyq atyp kórdi, — dedi Musaǵalı Tasqalıev.

Onyń aıtýynsha, Ázerbaıjanda da Ashyk dep atalatyn asyq oıyny bar. Tek olar áli ony sport túrine aınaldyra qoımapty.

Ulttyq sport túrleri qaýymdastyǵynyń prezıdenti bizdiń asyq oıynyna erekshe qyzyǵýshylyq tanytyp, Kóshpendiler oıyndaryna Ázerbaıjan elinen mindetti túrde komanda ákelemiz dep ýáde berdi. Mamyr aıynyń sońynda ózi eki bapkerin alyp, Astanaǵa keletin boldy. Sol saparda olar asyq oıynyn úırenip, elderine barǵasyn komanda jasaqtamaqshy, — dedi ol.

Kezdesý sońynda «Sport juldyzdary» respýblıkalyq jýrnaly atynan Kazım Hanlaroglyna «Halyqtar dostyǵy» tósbelgisi tabys etilip, túbi bir túrki elderi arasyndaǵy dostyqty aldaǵy ýaqytta ulttyq sport túrleri arqyly jandandyrýǵa kelisim jasaldy.

О́z tilshimizden