SportPress.kz Qazaqstan sport jańalyqtary
Bokstan Qazaqstan áıelder quramasynyń bas jattyqtyrýshysy bolyp Eldos Saıdalın taǵaıyndaldy, dep habarlady Olympic.kz.
Eldos Saıdalın bul qyzmette Shámil Safıýllındi almastyrdy. Safıýllın 2021 jyldan búginge deıin bas quramany jattyqtyryp keldi.
Ol eńbek jolyn 16 jyl buryn Qaraǵandydaǵy sport mektebinde jattyqtyrýshylyqtan bastaǵan.
2020 jyldan beri Qazaqstan jasóspirim qyzdar jáne jastar quramasyn jattyqtyryp keldi. Onyń jetekshiligimen Qazaqstan komandasy 2021 jylǵy álem chempıonatynda 2 kúmis, 3 qola jeńip aldy.
2022 jylǵy álemdik dodada 2 altyn, 2 kúmis jáne 3 qola medaldi ıelendi.
Byltyr Astanada ótken Azııa chempıonatynda Saıdalın jasaqtaǵan komanda 8 altynmen kózge túsken. 2023 jyly Armenııada Qazaqstan jasóspirim qyzdar quramasy 3 altyn, 5 qola medaldi jeńip aldy.
Qazir Qazaqstan áıelder komandasynyń enshisinde Olımpıadanyń jalǵyz joldamasy bar. 57 kelidegi Karına Ibragımova Azııa oıyndarynda kúmis medalmen qatar, Parıj lıenzııasyn ıelendi.
Italııada ótken álemdik lıenzııalyq týrnırde Qazaqstan áıelder quramasy joldamasyz qaldy.
Mundaı qyzmetti senip tapsyrǵany úshin basshylyqqa úlken alǵysymdy aıtamyn. Iá, alda bir ǵana lıenzııalyq týrnır qaldy. Atqaratyn jumys kóp. Jaýapkershilikten qorqyp, qashsam da bolatyn edi. Biraq ulttyq quramany jattyqtyrý – meniń armanym! Ári komandanyń qazirgi jaǵdaıyna qanyq bolǵan soń, jaýapty sátte jaltarý bapkerligime syn bolar edi.
Bas quramanyń qyzdaryn jaqsy bilemin. Barlyǵy da álemdik deńgeıdegi boksshylar. Talaı jarystarda shyńdalǵan. Sol sebepti, bar kúshimizdi salyp, sońǵy lıenzııalyq jarysta meıilinshe kóp joldama alýǵa tyrysamyz.
Sondaı-aq, komandada tártip ornatý – eń birinshi maqsat bolmaq. «Tártipke bas ıgen qul bolmaıdy», degen Baýyrjan Momyshuly. Sondyqtan, tártipke basa nazar aýdaramyz. – dedi jattyqtyrýshy.
Endi Qazaqstan áıelder quramasyn Taılandtaǵy sońǵy lıenzııalyq jarysqa Eldos Saıdalın bastap aparady.
