Sparrıngtik týrnır: ázirshe tórt boksshy jartylaı fınalǵa shyqty

Sparrıngtik týrnır: ázirshe úsh boksshy jartylaı fınalǵa shyqty

Astanada bokstan sparrıngtik týrnır bastaldy.  Erler jáne áıelder arasynda alǵashqy jekpe-jek aıaqtaldy.

Erler arasynda birinshi bolyp ¼ fınalda sharshy alańǵa 63,5 kelige deıingi salmaq dárejesindegi Ertýǵan Zeınýllınov pen Muhammedsabyr Bazarbaıuly shyqty.

Jekpe-jek tartysty boldy. Onda tóreshiler sheshimimen Muhammedsabyr Bazarbaıuly 4:1 esebimen jeńiske jetti. Buǵan deıin de Zeınýllınov Bazarbaıulynan Spartakıadada da ese jibergen edi.

Endi rıngke Dýlat Bekbaýov pen Serik Temirjanov kóteriledi. Jandos Qydyrálıev jarysty ekinshi aınalymnan bastaıdy.

Muhamedsabyr Bazarbaıuly erteń Jandos Qydyralıevpen qolǵap túıistiredi.

Qyzdar arasyndaǵy jerebe boıynsha sharshy alaǵa birinshi bolyp 50 kelige deıingi salmaq dárejesindegi boksshylar shyqty. Bul aıqasta eki dúrkin álem chempıony Nazym Qyzaıbaı álem chempıonatynyń eki dúrkin júldegeri Alýa Balqybekovany jeńip, Taılandtaǵy irikteý týrnırine joldama aldy.

54 keli salmaq dárejesindegi qyzdar arasyndaǵy shırek fınalda Balaýsa Muzdyman men Jaına Shekerbekova kúsh synasty. Bul jekpe-jekte tóreshilerdiń biraýyzdy sheshimimen Jaına Shekerbekova 5:0 esebimen jeńiske jetti.

Osylaısha Shekerbekova sparrıngtik jekpe-jekterdiń jartylaı fınalyna joldama aldy.

Osydan keıin 54 keli salmaqtyń 1/4 fınalynda jastar arasyndaǵy álem chempıondary Uljan Sársenbek pen Elına Bazarova qolǵap túıistirdi.

Bul jekpe-jekte Uljan Sársenbek Elına Bazarovany 5:0 esebimen jeńdi.

Elına Bazarova — 2022 jyly 54 keli salmaqta jastar arasynda álem chempıony bolsa, Uljan Sársenbek byltyr 57 keli salmaqta jastar arasynda álem chempıonatyn jeńip alǵan.

Endi erteń 1/2 fınalda Uljan Sársenbek pen Jaına Shekerbekova ózara myqtyny anyqtaıdy.

Qyzdar arasynda Dına Jolaman men Symbat Álıasqar, Sanııa Sultanqyzy men Anel Saqysh ta judyryqtasady.

Taılandtyń astanasy – Bangkok qalasynda ótetin lıenzııalyq týrnır 23 mamyr men 6 maýsym aralyǵynda bolady.  Osy dodada jeńimpaz atanǵandar Olımpıadaǵa joldamany alady.

 

Dastan KENJALIN,

ASTANA

 

View this post on Instagram

 

A post shared by Official page (@qazsport_official)

 

View this post on Instagram

 

A post shared by Kazakhstan Boxing Federation (@boxingkazakhstan)