Meırambek Qartbaı – erkin kúresten Azııa chempıonatynyń qola júldegeri! (VIDEO)

Kúres túrlerinen Bishkek qalasynda ótip jatqan Azııa chempıonatynda erkin kúresten 57 keli salmaqta kúsh synasqan Meırambek Qartbaı qola medalge ıe boldy.

Ol Azııa chempıonatyna ekinshi ret qatysyp, alǵash ret medaldi jeńip aldy. Balýan birinshi ret Azııa chempıonatyna 2019 jyly qatysqan bolatyn. Sol kezde Qytaıda ótken qurlyq chempıonatynda ol  9-orynnan kóringen edi. Al bıylǵy Azııa dodasynda Meırambek Qartbaı jartylaı fınalǵa shyǵyp, Japonııanyń balýany Kento Iýmımadan 2:4 esebimen jeńildi. Onyń aldynda shırek fınaldyq beldesýde ózbek balýany Nodırbek Jýmanazarovtan basym tústi.

Qola medal úshin beldesýde Qytaı bolýany Veııý Lıden 7:2 esebimen aılasyn asyrdy.

Meırambek Qartbaı — Aqtóbe kúres mektebiniń túlegi.

Dastan KENJALIN,

ASTANA

 

View this post on Instagram

 

A post shared by House of olympic sports of Kazakhstan (@qaz_olympics)