«كانەلو» ەلىمىزدەگى سۋ تاسقىنىنا قاتتى الاڭداپ وتىرعانىن ايتتى

مەكسيكالىق بوكسشى ساۋل «كانەلو» الۆارەس ەلىمىزدەگى سۋ تاسقىنى جاعدايىنا قاتتى الاڭداپ وتىرعانىن ايتىپ، ءوز ويى مەن ىشكى سەزىمىن الەۋمەتتىك جەلىدەگى پاراقشاسىندا جاريالادى.

قازاقستان حالقى ءۇشىن دۇعادامىن. اتىراۋ مەن ورال، ءبىز سىزدەرمەن بىرگەمىز، — دەدى ول الاڭداۋشىلىعىن جاسىرماي.

ساۋل «كانەلو» الۆارەس گەننادي گولوۆكينمەن ءۇش رەت جەكپە-جەككە شىعىپ، سونىڭ ەكەۋىندە تورەشىلەردىڭ شەشىمىمەن جەڭگەن بولاتىن.

تريلوگيانىڭ العاشقى ەكى جەكپە-جەگى 2017 جانە 2018 جىلدارى ورتا سالماقتا بولدى. بوكسشىلار سوڭعى جەكپە-جەككە 2022 جىلى 18 قىركۇيەكتە شىقتى.

سوڭعى اقپاراتقا قاراعاندا، ازاماتتىق قورعاۋ قىزمەتتەرى 111 194 ادامدى، ونىڭ ىشىندە 39 222 بالانى قۇتقاردى. 11 950 ادام ۇيلەرىنە ورالدى.

ۋاقىتشا ورنالاستىرۋ پۋنكتتەرىندە 6 814 ادام ورنالاستى. ونىڭ ىشىندە 2 995 بالا بار.

9،5 ملن. م3 استام ەرىگەن قار سۋى سورىلدى. 2،2 ملن. استام قاپشىق پەن 1،2 ملن. توننا ينەرتتى ماتەريال توسەلدى. 3 503 تۇرعىن ءۇي مەن 2 157 اۋلا اۋماعىنان سۋ بۇرىلدى.

داستان كەنجالين،

استانا