«Kanelo» elimizdegi sý tasqynyna qatty alańdap otyrǵanyn aıtty

Meksıkalyq boksshy Saýl «Kanelo» Alvares elimizdegi sý tasqyny jaǵdaıyna qatty alańdap otyrǵanyn aıtyp, óz oıy men ishki sezimin áleýmettik jelidegi paraqshasynda jarııalady.

Qazaqstan halqy úshin duǵadamyn. Atyraý men Oral, biz sizdermen birgemiz, — dedi ol alańdaýshylyǵyn jasyrmaı.

Saýl «Kanelo» Alvares Gennadıı Golovkınmen úsh ret jekpe-jekke shyǵyp, sonyń ekeýinde tóreshilerdiń sheshimimen jeńgen bolatyn.

Trılogııanyń alǵashqy eki jekpe-jegi 2017 jáne 2018 jyldary orta salmaqta boldy. Boksshylar sońǵy jekpe-jekke 2022 jyly 18 qyrkúıekte shyqty.

Sońǵy aqparatqa qaraǵanda, azamattyq qorǵaý qyzmetteri 111 194 adamdy, onyń ishinde 39 222 balany qutqardy. 11 950 adam úılerine oraldy.

Ýaqytsha ornalastyrý pýnktterinde 6 814 adam ornalasty. Onyń ishinde 2 995 bala bar.

9,5 mln. m3 astam erigen qar sýy soryldy. 2,2 mln. astam qapshyq pen 1,2 mln. tonna ınertti materıal tóseldi. 3 503 turǵyn úı men 2 157 aýla aýmaǵynan sý buryldy.

Dastan KENJALIN,

ASTANA