يسلام بايرامۋكوۆ ديرەكتور بولىپ تاعايىندالدى

بەلگىلى سپورتشى يسلام بايرامۋكوۆ الماتىداعى رەسپۋبليكالىق سپورت كوللەدجىنىڭ ديرەكتورى بولدى. بۇل تۋرالى تۋريزم جانە سپورت مينيسترلىگى حابارلادى.

تۋريزم جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ بۇيرىعىنىڭ نەگىزىندە الماتى قالاسىنداعى رەسپۋبليكالىق سپورت كوللەدجىنىڭ ديرەكتورى لاۋازىمىنا يسلام ءىلياس ۇلى بايرامۋكوۆ تاعايىندالدى، — دەلىنگەن حابارلامادا.

يسلام بايرامۋكوۆ – ەركىن كۇرەستەن ەڭبەك سىڭىرگەن سپورت شەبەرى جانە سيدنەي وليمپياداسىنىڭ كۇمىس جۇلدەگەرى. 1971 جىلى جامبىل وبلىسىنىڭ كامەنكا اۋىلىندا تۋعان. رەسپۋبليكالىق وليمپيادا رەزەرۆى ۋچيليششەسى (1989) مەن قازاق مەملەكەتتىك دەنە شىنىقتىرۋ ينستيتۋتىنىڭ «دەنە شىنىقتىرۋ مەن سپورت وقىتۋشىسى» ماماندىعىن بىتىرگەن (1993).

«شتاتتىق ۇلتتىق كوماندالار مەن سپورتتىق رەزەرۆتىڭ ديرەكتسياسى» رمكك سپورتشى-نۇسقاۋشىسى (1993-2004). ءال-فارابي اتىنداعى قازاق ۇلتتىق ۋنيۆەرسيتەتىنىڭ «قۇقىقتانۋ» ماماندىعىن (2003)، ماسكەۋ الەۋمەتتىك-گۋمانيتارلىق ۋنيۆەرسيتەتىن (قارجى جانە ەكونوميكا) (2005) اياقتاعان.