جازعى وليمپيالىق ويىنداردىڭ الاۋىن جاعىلدى

گرەكيادا ەجەلگى گەرا حرامىندا جازعى وليمپيالىق ويىنداردىڭ الاۋىن رەسمي تۇردە جاعۋ ءراسىمى بولدى.

ەجەلگى وليمپيادا وليمپيادانىڭ الاۋى كۇن ساۋلەسىنەن تۇتاندى. گرەكيانىڭ بەلگىلى اكتريساسى مەري مينا اپوللونعا دۇعا وقىپ، زەۆستەن چەمپيونداردىڭ كوپ بولۋىن تىلەپ، الاۋدى سالتاناتتى جاعدايدا ەسكەك ەسۋدەن توكيو وليمپياداسىنىڭ چەمپيونى ستەفانوس دۋسكوسكە تاپسىردى.

سودان كەيىن الاۋدى جۇزۋدەن 2004 جىلعى وليمپيالىق ويىنداردنىڭ چەمپيونى، فرانتسيالىق لور مانودۋ ۇستايدى. ءۇشىنشى كەزەڭدى ەۋروكوميسسيا باسشىسىنىڭ ەۋروپالىق ءومىر سالتىن قورعاۋ جونىندەگى ورىنباسارى مارگاريتيس سحيناسقا سەنىپ تاپسىرىلىپ وتىر.

سالتاناتتى شاراعا گرەكيا پرەزيدەنتى كاتەرينا ساكەلاروپۋلوۋ، حالىقارالىق وليمپيادا كوميتەتىنىڭ باسشىسى توماس باح، پاريج قالاسىنىڭ مەرى انن يدالگو مەن باسقا دا لاۋازىم يەلەرى قاتىستى.

گرەكيا اۋماعىندا الاۋدى 600 ادام الىپ وتەدى. 26 ءساۋىر كۇنى الاۋ افيناعا ورالىپ، فرانتسيا ەلشىلىگىندە ءبىر كۇن ايالدايدى. سودان سوڭ، وليمپيادانى قابىلدايتىن ەلگە 120 جىلدىڭ تاريحى بار ءۇش ماتچالى «بەلەم» جەلكەندى كەمەسى ارقىلى جىبەرىلەدى. الاۋ مارسەل ايلاعىنا 8 مامىردا كەلەدى.

ءارى قاراي وليمپيادا الاۋىنىڭ ەستافەتاسى فرانتسيادا باستالادى.

وليمپيادانىڭ اشىلۋ سالتاناتى 26 شىلدەدە پاريجدە وتەدى. ويىندار 11 تامىزعا دەيىن بولادى.

داستان كەنجالين،

استانا