«ورداباسى» فۋتبول كلۋبىنا قوماقتى ايىپپۇل سالىندى

شىمكەنتتىڭ «ورداباسى»فۋتبول كلۋبىنا قوماقتى ايىپپۇل سالىندى.

كومانداعا الماتىنىڭ «قايرات» كلۋبىمەن ماتچىندا (1:2) جەرگىلىكتى  جانكۇيەرلەردىڭ تورەشىگە بالاعات ءسوز ايتقانى ءۇشىن 120 اەك پەن تەحنيكالىق ايماقتا (قوسالقى تورەشى ورنىندا) ماتقا قاتىسۋ جوق ادامنىڭ بولۋىنا بايلانىستى 100 اەك مولشەرىندە ايىپپۇل سالىناتىنى تۋرالى شەشىم شىقتى.

وسى ەكى ايىپپۇل 812 240 تەڭگە بولىپ وتىر. ونى «ورداباسى» 11 مامىرعا دەيىن تولەۋى ءتيىس.

جالپى، پرەمەر-ليگا مەن قازاقستان كۋبوگى ءۇشىن ماتچتاردا «ورداباسى» فۋتبول كلۋبىنا قاتىستى العاش رەت كەلەڭسىز جاعداي بولىپ جاتقان جوق. بۇعان دەيىن قازاقستان جانكۇيەرلەرى تۇركيانىڭ انتاليا قالاسىندا  العاش رەت وتكەن قازاقستان سۋپەركۋبوگىنىڭ فينالى كەزىندە توبەلەس شىعارعان بولاتىن.

ماتچتا شىمكەنتتىڭ «ورداباسى» مەن قوستانايدىڭ «توبىل» كلۋبتارى كەزدەسكەن. وسى ويىن كەزىندە قوس كلۋبتىڭ جانكۇيەرلەرى وتىراتىن جەر بولىنبەگەن سوڭ، ەكىنشى تايمنىڭ ورتاسىندا داۋ-جانجال شىعىپ، ونىڭ سوڭى توبەلەسكە ۇلاسقان.

قازاقستان جانكۇيەرلەرى كوماندالارىنىڭ جالعان نامىسى ءۇشىن ءبىر-بىرىنە ورىندىق لاقتىرىپ، ءبىر-ءبىرىن بالاعاتتاعان.

قازىر «ورداباسى» پرەمەر-ليگانىڭ تۋرنير كەستەسىندە 7 ۇپايمەن ءۇشىنشى ورىندا كەلەدى. ءبىرىنشى جانە ەكىنشى ورىنداردى الماتىنىڭ «قايرات» كلۋبى مەن پەتروپاۆلدىڭ «قىزىلجار» كومانداسى يەلەنىپ وتىر.

داستان كەنجالين،

استانا