SportPress.kz قازاقستان سپورت جاڭالىقتارى
بايداركا مەن كانوەدە ەسۋدەن جاپونيانىڭ توكيو قالاسىندا ءوتىپ جاتقان ازيا چەمپيوناتىندا قازاقستان كومانداسى تاعى ءتورت ليتسەنزيانى جەڭىپ الدى.
ەكىلىك كانوەدە 500 مەترگە جارىسۋدان سىنعا تۇسكەن تۇسكەن مارگاريتا بروۆكوۆا مەن رۋفينا يسكاكوۆا جولداماعا يە بولدى.
ولار فينالدىق كەزەڭدە ءبىرىنشى بولىپ كەلدى. ال بۇل قاشىقتىقتا جولداما تەك جەڭىمپاز سپورتشىلارعا بەرىلەدى.
سودان كەيىن بايداركا مەن كانوەدە ەسۋدەن سەرگەي توكارنيتسكي مەن بەكارىس راماتۋللا پاريج وليمپياداسىنىڭ ليتسەنزياسىن جەڭىپ الدى.
ەسكەك ەسۋشىلەر ەكى ادامدىق بايداركامەن 500 مەترگە جارىسۋدان جەڭىمپاز اتانىپ، وليمپيادا جولداماسىنا يەلىك ەتتى.
ءسويتىپ، بۇگىن ەسكەك ەسۋشىلەر وليمپياداعا وسىمەن التى ليتسەنزيانى الىپ وتىر.
بۇعان دەيىن سەرگەي ەمەليانوۆ پەن تيمۋر حايداروۆ جۇپتىق سىندا وليمپيادا جولداماسىن جەڭىپ العان بولاتىن.
داستان كەنجالين،
استانا
