SportPress.kz قازاقستان سپورت جاڭالىقتارى
قىرعىزستاننىڭ استاناسى – بىشكەكتە وليمپيادا جولداماسى ءۇشىن ەركىن كۇرەستەن ءوتىپ جاتقان ازيا قۇرلىعىنىڭ ليتسەنزيالىق تۋرنيرىندە الىشەر ەرعالي (97 كگ سالماقتا) مەن اسا اۋىر سالماقتاعى (125 كگ) يۋسۋپ باتىرمۋرزاەۆ وليمپيادانىڭ جولداماسىن جەڭىپ الدى، دەپ حابارلادى Olympic.kz.
الىشەر ەرعالي جارتىلاي فينالدا قىتايلىق سپورتشى ابۋسايمان حابيلادان ايلاسىن اسىرىپ، 3:2 ەسەبىمەن، ال كۇندىزگى سەسسيادا قىرعىزستاننىڭ چەمپيونى اندرەي ارونوۆتى ايقىن باسىمدىقپەن جەڭدى.
قازىر قازاق حالقى قيىن-قىستاۋ كەزەڭدى باستان كەشىرىپ جاتىر. باتىس، سولتۇستىك وڭىردەگى حالىقتىڭ بۇل جەڭىس كىشكەنە دە بولسا ەڭسەسىن كوتەرەدى دەپ ويلايمىن.
ءبىز بىرگەمىز دەپ ايتقىم كەلەدى.
ال بەلدەسۋلەرگە كەلەر بولسام، قىتايلىق حابيلامەن كەزدەسەتىنىمدى ءبىلدىم. سەبەبى، بىزدە رەيتينگ بار. سول بويىنشا، يراندىق بالۋاننىڭ باسقا توپقا تۇسەتىنىن ءبىلدىم.
حابيلانى وسىمەن ءۇشىنشى رەت جەڭدىم. ەكەۋمىز ءبىر-ءبىرىمىزدىجھ جاتتاپ العانبىز. كوپتەن كۇتكەن ليتسەنزيا قورجىنعا ءتۇستى. وتە قۋانىشتىمىن، – دەدى الىشەر ەرعالي.
ەندى بۇگىن بوزكىلەمگە ايەلدەر شىعادى. ودان كەيىن ءتۋرنيردى گرەك-ريم كۇرەسىنىڭ شەبەرلەرى اياقتايدى.
View this post on Instagram
