Qazaqstan balýandary Olımpıada lıenzııasyn aldy

Qyrǵyzstanyń Bishkek qalasynda grek-rım kúresinen ótip jatqan Azııalyq lıenzııalyq týrnırde Qazaqstannyń úsh balýany Olımpıadaǵa joldamany jeńip aldy.

60 keli salmaq dárejesinde Aıdos Sultanǵalı jartylaı fınalda Qytaıdyń Taıpeıinen kelgen sportshynyń jaýyrynyn jerge tıgizdi. Otandasymyz shırek fınalda Tájikstan ókili Aslamdjon Azızovtan 2:1 esebimen basym túsken.

Osyǵan deıin álem chempıonatynda eki márte qola medal, Azııa chempıonatynda altyn júlde alǵan Aıdos Sultanǵalı alǵash ret Olımpıadada synǵa túskeli tur.

77 keli salmaqtaǵy Demeý Jadyraev te Parıj Olımpıadasynyń joldamasyn jeńip aldy.

Ol sheshýshi beldesýde Ońtústik Koreıa sportshysymen kúsh synasyp, qarsylasyna múmkindik bergen joq.

Asa aýyr salmaqtaǵy ulttyq quramanyń balýany Álimhan Syzdyqov ta Olımpıadanyń 46-joldamasyn alyp berdi. Balýan sheshýshi aıqasta jarys qojaıyny Roman Kımnen basym tústi. Esep 7:7 bolǵanymen, upaı jaǵynan otandasymyz basymdyqqa ıe boldy.

Grek-rım kúresinen eki sportshymyz  Bishkektegi týrnırde Parıj Olımpıadasynyń joldamasyna ala almady.

Meıirjan Shermahanbet (67 kg) Kıotaro Sogabeden (Japonııa) jeńilip qaldy. Al Oljas Syrlybaı alǵashqy aınalymda taǵy bir japon balýany Iýrı Nakazateniń myqtylyǵyn moıyndady.

Dastan KENJALIN,

ASTANA