Majarlar da qazaqtyń asyq oıynyna qyzyǵyp jatyr (FOTO)

Majarstanda sońǵy ýaqytta asyq atý sportyn damytý qolǵa alyna bastapty. Bul jóninde Majar-Qazaq mádenı uıymynyń basshysy Janargúl Kópjasarova Asyq atý federaııasynyń baspasóz qyzmetine baıandap berdi.

Men Aqtóbe oblysynyń týmasymyn. Oıyl aýdanynda týyp-óstim. Anam Atyraý qalasynda turady. Bizder Majarstanda 50-ge jýyq qazaq turamyz – deıdi Janargúl Baqtygereıqyzy. – Onyń kóbi osy jaqta bilim alyp jatqan stýdentter. О́zim quryltaıshy bolyp Majar-Qazaq mádenı uıymyn ashqanbyz. Ulttyq oıyndarymyz toǵyzqumalaqty byltyrdan beri, asyq atý men bes asyqty eki-úsh aı kóleminde damytyp júrgen jaıym bar. Jalpy, majarlarda buryn bizdiń asyq oıynyna óte uqsas Kapýzash jáne Bıkazash degen oıyndar bolypty. Bir qyzyǵy asyqpen emes taspen oınalady eken.  Biraq úlkender jaǵy bolmasa qazirgi majar jastary ol oıyndardy bilmeıdi. Bizdiń asyǵymyzdy kórip, umytylǵan oıyndary esterine endi túsip jatyr.

Majarstanda asyq oıynyn damytýǵa maǵan kómektesip, asyq atýdan Kóshpendiler oıyndaryna daıyndalyp júrgen Balaj degen jigit óz eliniń týyn beınelep asyq jasap shyǵardy. Qazir sol asyqtarmen oınap júrmiz. Jaqynda Qazaqstannan Jomart Sabyrjanuly asyq jıyntyǵyn berip jibergen eken. Qýanyp qaldyq. Jalpy, majarlardyń asyq oıynyna degen qyzyǵýshylyqtary óte jaqsy. Tımea degen majar qyzy bes asyqtan shákirtter tárbıelep júr. Budan bólek Tımea majardyń sıtera degen ulttyq aspabymen qazaqtyń ánderin aıtyp, kúı tartady.

Janargúl bizge osyndaı jaǵymdy jańalyqty qýana jetkizdi. Endi ol 8-14 qyrkúıek kúnderi Astanada ótetin Dúnıejúzilik kóshpendiler oıyndaryna asyq atý sportynan komanda alyp kelgisi, sóıtip majarlarǵa asyq oıyny qalaı oınalatynyn kózbe-kóz kórsetkisi keledi. Alaıda, jarysqa keletin qarjy taba almaı jatyr eken.

Janargúl sóz sonynda eger bizge Kóshpendiler oıyndaryna kelýimizge demeýshilik kómek kórsetetin azamattar tabylyp jatsa degen ótinishin bildirdi. Majarstanda olarǵa qoldaý kórsetetin bıznesmen qazaqtar joq kórinedi. Janardyń endigi úmiti — ózimizdiń qaltaly azamattar men QR Ulttyq sport túrleri qaýymdastyǵynda. Majar elinde qazaqtyń ulttyq oıyndaryn damytyp, bolashaqta federaııa ashamyn dep júrgen qazaq qyzyna kómek qolyn sozatyn azamattar mindetti túrde tabylady degen senimdemiz.

Asyq atý federaııasynyń baspasóz qyzmeti

ASTANA