Astanaǵa 60-ta astam eldiń myqty dzıýdoshylary keledi

Astanada 10-12 mamyrda dzıýdodan álemdik reıtıngtik Qazaqstan Barysy Grand Slam týrnıri ótedi. Bul jarysta dzıýdoshylar Parıjde ótetin Jjazǵy Olımpııalyq oıyndarǵa upaı jınaıdy. Sonymen birge ol bıylǵy sońǵy Grand Slam kezeńi bolady, dep habarlady Qazaqstan dzıýdo federaııasy.

Qazaqstan dzıýdo federaııasynyń habarlaýynsha, týrnırge álemniń kil myqtylary keledi.  Beldesýler Jaqsylyq Úshkempirov atyndaǵy Jekpe-jek saraıynda ótedi. Búgingi kúnge jarysqa 60-tan astam eldiń, sonyń ishinde álemdik reıtıng kóshbasshylary Japonııa, Ońtústik Koreıa, Franııa memleketteriniń sportshylary tirkelgen.

Eske sala ketek, osy dodanyń nátıjesinde IJF erejelerine sáıkes jarystyń jeńimpazdary men júldegerleri arasynda Álemdik jáne olımpıadalyq reıtıngterde upaılar bólinedi. Atap aıtqanda, birinshi oryn úshin 1 000, ekinshi oryn úshin – 700, al úshinshi oryn úshin – 500 upaı esepteledi.

Qazaqstan dzıýdo federaııasy men Halyqaralyq dzıýdo federaııasynyń (IJF) ekijaqty kelisimshartyna sáıkes, Qazaqstan álemdik Grand Slam jarysyn 2026 jylǵa deıin ótkizedi.

Qazaqstan Barysy Grand Slam týrnıriniń tikeleı kórsetilimi Qazsport telearnasynan beriledi.

10 mamyrda áıelder 48 kg, 52 kg jáne 57 kelige deıingi salmaqta kúsh synassa, erler: 60 kg jáne 66 kg salmaqta beldesedi.

11 mamyrda áıelder 63 kg jáne 70 kelige deıingi kategorııada, erler 73 kg jáne 81 kg salmaqta el namyn qorǵaıdy.

12 mamyrda áıelder 78 kelige deıingi jáne 78 keliden asa salmaqta tatamıge shyǵady. Erler 90-ǵa deıingi salmaqta, erler 100 jáne odan kóp salmaqta jarysqa túsedi.