ۇلىتاۋ وبلىسىندا ستاديونداردىڭ الاڭدارى جاڭارادى

قازاقستان فۋتبول فەدەراتسياسىنىڭ پرەزيدەنتى ادىلەت بارمەنقۇلوۆ جەزقازعان مەن بالقاش قالالارىنا ىسساپارمەن بارىپ، ۇلىتاۋ وبلىسىنىڭ اكىمى بەرىك ابدىعالي ۇلىمەن جانە وڭىردەگى فۋتبول فۋنكتسيونەرلەرىمەن كەزدەستى، دەپ حابارلادى قازاقستان فۋتبول فەدەراتسياسى.

2022 جىلى قازاقستان فۋتبول فەدەراتسياسى مەن ۇلىتاۋ وبلىسى اكىمدىگى اراسىندا ءوزارا ىنتىماقتاستىق تۋرالى مەموراندۋمعا قول قويىلعان بولاتىن. قفف باسشىسى اكىمدىكتىڭ قولداۋىمەن وبلىستىق فۋتبول اسسوتسياتسياسىنىڭ از ۋاقىتتىڭ ىشىندە اتقارعان جۇمىسىن جاقسى باعا بەردى.

كەزدەسۋدە  جەزقازعانداعى «مەتاللۋرگ» ستاديونىنىڭ الاڭىن جاڭارتۋ ماسەلەسى كوتەرىلدى.

ءوز كەزەگىندە ادىلەت بارمەنقۇلوۆتىڭ بۇرىنعى ارىپتەستەرى ايماقتى ارالاپ، فۋتبول توڭىرەگىندەگى ماسەلەلەردى تالقىلاۋعا شاقىردى.

وبلىستىق فۋتبول اسسوتسياتسياسىنىڭ پرەزيدەنتى عالىم نۇرجانوۆتىڭ ايتۋىنشا، بۇل ستاديوندا جەرگىلىكتى « ۇلىتاۋ» فۋتبول كلۋبى ءبىرىنشى ليگادا وينايدى. جەرگىلىكتى جاس فۋتبولشىلاردىڭ بارلىعى دا وسى جەردە جاتتىعۋ جاساپ ءجۇر.

قفف پرەزيدەنتى وڭىردە فۋتبول وينايتىنداردىڭ سانى تەز وسكەنىن ەسكەرىپ، جاسىل الاڭدى جاڭارتۋ ءۇشىن جان-جاقتى قولداۋ كورسەتەتىنىن مالىمدەدى.

وسىدان كەيىن قفف باسشىسى بالقاش قالاسىنىڭ اكىمى ساپار ساتاەۆپەن كەزدەستى. بۇل قالاداكى ستاديون دا «مەتاللۋرگ» دەپ اتالادى. ونىڭ الاڭى 2007 جىلى توسەلگەن. ودان بەرى پرەمەر-ليگانىڭ بىرنەشە ويىنى دا بولعان.

بۇعان دەيىن ALAN باعدارلاماسىنا قاتىسۋعا قالاداعى فۋتبول جارىستارى بولاتىن جالعىز سپورت كەشەنى تۋرالى ءوتىنىش جىبەرىلگەن ەدى. سول سەبەپتى قفف پرەزيدەنتى بالقاش قالاسىنداعى «مەتاللۋرگ» ستاديونىنىڭ جاسىل الاڭىن ALAN جوباسى بويىنشا جاڭارتۋ مۇمكىندىگىن قاراستىراتىنىن ايتتى.