ءبىلىمدى مىڭدى جىعادى (فوتو)

«ءبىلىمدى مىڭدى ءبىلىمسىز ءبىردى جىعادى»، دەگەن بابالارىمىز. بۇل ءسوزدى اتا بابالارىمىز تەگىن ايتپاسا كەرەك. وسى ءبىر-ەكى اۋىز ءسوزدىڭ ىشىندە قانشالىقتى ءمان ماعىنا جاتىر دەسەڭىزشى.

بۇگىندە ساڭلاق سپورتشى بولىپ قالىپتاسۋ ءۇشىن ءبىلىمدىنىڭ ساقاسى وڭىنان تۇسەرى ۋاقىت كورسەتىپ كەلەدى. سوندىقتان دا ءبىلىمدى سپورتشى بولىپ ءوسىپ جەتىلسە الماس قامال بولماس.

كەشە ك. احمەتوۆ اتىنداعى وليمپيادالىق ءىزباسارلاردى دايىندايتىن رەسپۋبليكالىق مەكتەپ-ينتەرنات كوللەدجىنىڭ قابىرعاسىندا بالالاردىڭ ءبىلىمى مەن ءتارتىپ، جارىس ناتيجەلەرىن تەكسەرەتىن ۇستازداردىڭ قاتىسۋىمەن اتتەستاتسيالاۋ سىناعى بولىپ ءوتتى.

سەمسەرلەسۋ، گيمناستيكا، ۆەلو شوسسە، ۆەلو تراسسا، تاەكۆاندو جانە بوكس تۇرلەرىنىڭ جاتتىقتىرۋشىلارى شاكىرتتەرىن الىپ كىرىپ سىناقتان سۇرىنبەۋگە تىرىستى. ءيا، قىراعى كوزدى ۇستازدار شاكىرتتەرىنىڭ ساباق ۇلگەرىمىن، ءتارتىبىن جاقسى بىلەرى انىق. سوندىقتان جاسوسپىرىمدەردىڭ ءاربىر شىققانىنىڭ وقۋى جاقسىلارى ءجۇزى جارقىن تۇرسا، ءبىلىمى سايازدارى باسىن تومەن سابىراتىپ ەكى العان بالاداي كۇيدە بولدى. دەگەنمەندە بالالاردىڭ كوپشىلىگى وقۋمەن قاتار سپورتتتا قامشى سالدىرماي جۇرگەندەرىنىڭ كۇاسى بولدىق. مەكتەپ كوللەدجىنىڭ ديرەكتورىنىڭ ورىنباسارلارى دانارا قابدەنقىزى، جاننا بايدىلداقىزى جانە سالتانات ورىنقىزدارى سەكىلدى ءوز سالاسىنىڭ ماماندارىنىڭ كوز سۇزگىسىنەن سۇرىنبەي وتكەندەردىڭ مەرەيى ۇستەم بولىپ قۋانا شىعىپ جاتتى. نەگىزى وسىنداي سىناق سۇزگىسى جىلىنا ەكى رەت ءوتىپ تۇرادى ەكەن.

وقۋى ناشار، ءتارتىبى تومەن بالالاردى ءبىر سىناپ قاراپ ناشارلارىنىڭ دەڭگەيىن كوتەرىپ الاتىن وسىنداي سىناقتاردىڭ بەرەر پايداسى زور. كەيبىر بالالار سپورتتا مىقتى ەكەن. ال، بىلىمگە، وقۋ ۇلگەرىمىنە كەلگەندە ءالى دە جاقسى ناتيجە بولماعاندىعى وكىنىشتى. وسى ءبىر ولقىلىقتىڭ ورنىن تولتىرۋ ءۇشىن الدىمەن ءبىلىمدى العا قويۋ كەرەكتىگىن ۇستازدار قاۋىمى وقۋشى سپورتشىلارعا قاتاڭ ەسكەرتىپ جاتتى.

كەزىندە اتاقتى سپورت جاششۋشىسى سەيداحمەت بەردىقۇلوۆ: «فۋتبول اقىلداعىنى اياققا ءتۇسىرىپ وينايتىن ويىن»، دەگەن ەكەن. ەندەشە، جۇمىر باستا اقىل، ءبىلىم بولماسا سپورتتىڭ قاي ءتۇرىن الىپ قاراساقتا العا جىلجۋ بولماسى، انىق. بۇگىنگى سىناقتىڭ نەگىزگى ۇستانىمى دا وسى ەدى. ۇستازدارىنىڭ الدىندا وقۋ ۇلگەرىمى تومەندەۋ بالالار بەتتەرى قىزارىپ سوڭعى سوزدەرىن ايتىپ، ەندى بارلىق جاعىنان تارتىلاتىندىعىن ايتىپ سەنىم ءبىلدىردى. الپاۋىت سپورتشى بولىپ ءوسۋ ءۇشىن ءبىلىمنىڭ ماڭىزى ايرىقشا. سوندىقتان دا ساباقتان قالماي بىلىمگە بەلسەنە كىرىسۋ ءۇشىن الداعى ۋاقىتتا بار مۇمكىندىكتەرىن سالتىندارىنا سەنىم ءبىلدىرىپ جاتتى. ءيا، ءوزىمىزدىڭ قاراكوز جاسبۋىننان الداعى ۋاقىتتا كۇتەر ءۇمىتىمىز زور. اللا ۇرپاڭىمىزدا تەك الدىنان جارىلقاسىن. احمەت بايتۇرسىنوۆتىڭ: «ءبىلىمدى بولۋ ءۇشىن وقۋ كەرەك، باي بولۋ ءۇشىن كاسىپ كەرەك، مىقتى بولۋ ءۇشىن بىرلىك كەرەك، وسى كەرەكتەردىڭ جولىندا جۇمىس ىستەۋ كەرەك»، دەدى ەمەس پە؟!

ەندەشە، ءبىلىم بارلىق ءىستىڭ التىن بۇلاعى.

اقىن ورداباي ۇلى،

الماتى