SportPress.kz Qazaqstan sport jańalyqtary
«Bilimdi myńdy bilimsiz birdi jyǵady», degen babalarymyz. Bul sózdi ata babalarymyz tegin aıtpasa kerek. Osy bir-eki aýyz sózdiń ishinde qanshalyqty mán maǵyna jatyr deseńizshi.
Búginde sańlaq sportshy bolyp qalyptasý úshin bilimdiniń saqasy ońynan túseri ýaqyt kórsetip keledi. Sondyqtan da bilimdi sportshy bolyp ósip jetilse almas qamal bolmas.
Keshe K. Ahmetov atyndaǵy Olımpıadalyq izbasarlardy daıyndaıtyn respýblıkalyq mektep-ınternat kolledjiniń qabyrǵasynda balalardyń bilimi men tártip, jarys nátıjelerin tekseretin ustazdardyń qatysýymen attestaııalaý synaǵy bolyp ótti.
Semserlesý, gımnastıka, velo shosse, velo trassa, taekvando jáne boks túrleriniń jattyqtyrýshylary shákirtterin alyp kirip synaqtan súrinbeýge tyrysty. Iá, qyraǵy kózdi ustazdar shákirtteriniń sabaq úlgerimin, tártibin jaqsy bileri anyq. Sondyqtan jasóspirimderdiń árbir shyqqanynyń oqýy jaqsylary júzi jarqyn tursa, bilimi saıazdary basyn tómen sabyratyp eki alǵan baladaı kúıde boldy. Degenmende balalardyń kópshiligi oqýmen qatar sporttta qamshy saldyrmaı júrgenderiniń kúási boldyq. Mektep kolledjiniń dırektorynyń orynbasarlary Danara Qabdenqyzy, Janna Baıdildáqyzy jáne Saltanat Orynqyzdary sekildi óz salasynyń mamandarynyń kóz súzgisinen súrinbeı ótkenderdiń mereıi ústem bolyp qýana shyǵyp jatty. Negizi osyndaı synaq súzgisi jylyna eki ret ótip turady eken.
Oqýy nashar, tártibi tómen balalardy bir synap qarap nasharlarynyń deńgeıin kóterip alatyn osyndaı synaqtardyń berer paıdasy zor. Keıbir balalar sportta myqty eken. Al, bilimge, oqý úlgerimine kelgende áli de jaqsy nátıje bolmaǵandyǵy ókinishti. Osy bir olqylyqtyń ornyn toltyrý úshin aldymen bilimdi alǵa qoıý kerektigin ustazdar qaýymy oqýshy sportshylarǵa qatań eskertip jatty.
Kezinde ataqty sport jaщýshysy Seıdahmet Berdiqulov: «Fýtbol aqyldaǵyny aıaqqa túsirip oınaıtyn oıyn», degen eken. Endeshe, jumyr basta aqyl, bilim bolmasa sporttyń qaı túrin alyp qarasaqta alǵa jyljý bolmasy, anyq. Búgingi synaqtyń negizgi ustanymy da osy edi. Ustazdarynyń aldynda oqý úlgerimi tómendeý balalar betteri qyzaryp sońǵy sózderin aıtyp, endi barlyq jaǵynan tartylatyndyǵyn aıtyp senim bildirdi. Alpaýyt sportshy bolyp ósý úshin bilimniń mańyzy aıryqsha. Sondyqtan da sabaqtan qalmaı bilimge belsene kirisý úshin aldaǵy ýaqytta bar múmkindikterin saltyndaryna senim bildirip jatty. Iá, ózimizdiń qarakóz jasbýynnan aldaǵy ýaqytta kúter úmitimiz zor. Alla urpańymyzda tek aldynan jarylqasyn. Ahmet Baıtursynovtyń: «Bilimdi bolý úshin oqý kerek, baı bolý úshin kásip kerek, myqty bolý úshin birlik kerek, osy kerekterdiń jolynda jumys isteý kerek», dedi emes pe?!
Endeshe, bilim barlyq istiń altyn bulaǵy.
Aqyn ORDABAIULY,
ALMATY
