Namıb ýltramarafon: jelaıaq jýrnalıst úzdik bestikten kórindi (FOTO)

Belgili jýrnalıst, kásipker, byltyr AQSh-tyń Nıý-Iork qalasynda alǵash bolyp otandastarymyzdyń arasynda alty meıjor marafondy sub 3, ıaǵnı 3 saǵat ishinde júgirgen Erenǵaıyp Qýataıuly Afrıkanyń Namıbııa elinde ótken ýltramarafonǵa qatysyp, úzdik bestikten kórindi.

Ol sońǵy ret naýryz aıynda Portýgalııanyń Lıssabon qalasynda jalaýy jelbiregen Lisbon half marathon-2024 marafonyna qatysqan bolatyn. Sodan keıin Afrıkanyń Namıbııa memleketine baryp, taǵy da baǵyn synap kórdi. Bul joly marafonshy jer-júzindegi eń ystyq shóldiń biri Namıb shólinde 57 gradýs ystyqta 250 shaqyrymdy júgirip, 150-ge jýyq adamnyń arasynan jalpy esepte jarysty besinshi bolyp aıaqtady.

Alty kúndik alamandy aman-esen aıaqtadym. Jumyr jerdegi eń ejelgi jáne eń ystyq shóldiń biri Afrıkanyń Namıb shólin júgirip ótý baqyty buıyrdy. 250 shaqyrymdyq «ólim jarysyna» 47 elden 150-ge jýyq ýltramarafonshy qatysty. 57 gradýs aptap ystyqqa shydamaı olardyń 20 paıyzy jarys jolynan shyǵýǵa májbúr boldy. Alty kún iship-jeıtin as-sýyńdy, kórpe-jastyǵyńdy arqalap júgirý árıne ońaı bolmady. Arqańdaǵy on keli júk on tonnadaı boldy.

Jalpy esepte besinshi orynǵa turaqtap, áýel bastaǵy fınıshke jetý maqsatym artyǵymen oryndaldy, — dedi Erenǵaıyp Qýataıuly.

Marafonshy kásipker ári jýrnalıst Erenǵaıyp Qýataıuly alǵash bolyp otandastarymyzdyń arasynda 6 meıjor marafondy sub 3, ıaǵnı 3 saǵat ishinde júgirgen azamat. Ol Boston, Chıkago, Nıý-Iork, Berlın, London, Tokıo marafondarynda, ıaǵnı, 6 meıjordy júgirgen 6 adamnyń biri.  Sońǵy ret ol joǵary atap ótkenimizdeı, naýryz aıynda Portýgalııanyń Lıssabon qalasynda jalaýy jelbiregen Lisbon half marathon-2024 marafonynda márege 1 saǵat 21 mınýt 53 sekýndtta jetti. Onyń aıtýynsha, nátıje jaman bolǵan joq. Jalpy, Eýropada Lıssabonnan basqa taǵy 5 jarty marafon bar. Olar – Praga, Berlın, Kardıff, Kopengagen jáne Valenııa.

Dastan KENJALIN,

ASTANA