SportPress.kz قازاقستان سپورت جاڭالىقتارى
استانادا دزيۋدودان ءوتىپ جاتقان Qazaqstan Barysy Grand Slam تۋرنيرىندە عاليا تىڭباەۆا جەڭىمپاز اتاندى. ول فينالدا Grand Prix چەمپيونى سابينا گيليازوۆانى (AIN) يپپون ۇپايمەن جەڭىپ، ەل قورجىنىنا العاشقى التىن جۇلدەنى اكەلدى.
بۇل — عاليا تىڭباەۆانىڭ الەمدىك Grand Slam تۋرنيرىندەگى العاشقى التىن مەدالى، دەپ حابارلادى قازاقستان دزيۋدو فەدەراتسياسى.
دزيۋدوشى جارتىلاي فينالدا الەم چەمپيوناتىنىڭ كۇمىس جۇلدەگەرى، ەۋروپا چەمپيونى، Grand Slam جارىستارىنىڭ جەڭىمپازى فرانتسيالىق شيرين بوۋكليدى جەڭگەن بولاتىن.
عاليا تىڭباەۆانىڭ قورجىنىنا Qazaqstan Barysy Grand Slam ءتۋرنيرىنىڭ جەڭىمپازى رەتىندە الەمدىك رەيتينگتە 1 000 ۇپاي قوسىلادى.
Qazaqstan Barysy Grand Slam دوداسىندا ەرەجەسى بويىنشا ءبىرىنشى ورىن ءۇشىن 1 000، ەكىنشى ورىن ءۇشىن 700، ال ءۇشىنشى ورىن ءۇشىن 500 ۇپاي ەسەپتەلەتىن بولادى. وليمپياداعا رەيتينگتىك ۇپاي ۇلەسترەتىن سوڭعى Grand Slam 12 مامىرعا دەيىن جالعاسادى.
View this post on Instagram
