SportPress.kz قازاقستان سپورت جاڭالىقتارى
دزيۋدودان استانا ءوتىپ جاتقان Qazaqstan Barysy Grand Slam تۋرنيرىندە 60 كەلىگە دەيىنگى سالماق دارەجەسىندە باق سىناعان ەلدوس سمەتوۆ قولا جۇلدەنى جەڭىپ الدى، دەپ حابارلادى قازاقستان دزيۋدو فەدەراتسياسى.
شەشۋشى بەلدەسۋدى وتانداسىمىز ازەربايجان سپورتشىسى احماد ءيۋسيفوۆتى جەڭدى.
ەندى ەلدوس سمەتوۆقا ءۇشىنشى ورىن ءۇشىن الەمدىك رەيتينگتە 500 ۇپاي قوسىلادى.
بۇگىن Qazaqstan Barysy Grand Slam ءتۋرنيرى باستالعان بولاتىن. ول جاقسىلىق ۇشكەمپىروۆ اتىنداعى جەكپە-جەك سارايىندا بولىپ جاتىر. الەمدىك دودانىڭ ەرەجەسى بويىنشا ءبىرىنشى ورىن ءۇشىن 1 000، ەكىنشى ورىن ءۇشىن 700، ال ءۇشىنشى ورىن ءۇشىن 500 ۇپاي ەسەپتەلەتىن بولادى.
وليمپياداعا رەيتينگتىك ۇپاي ۇلەسترەتىن سوڭعى Grand Slam 12 مامىرعا دەيىن جالعاسادى.
View this post on Instagram
