SportPress.kz قازاقستان سپورت جاڭالىقتارى
تۋريزم جانە سپورت ءمينيسترى ەرمەك مارجىقپاەۆ قورعانىس مينيسترلىگى ارميا ورتالىق سپورت كلۋبى سپورت كوميتەتىنىڭ وكىلدەرىن وتان قورعاۋشىلار كۇنىمەن قۇتتىقتادى، دەپ حابارلادى تسم-ءنىڭ ءباسپاسوز قىزمەتى.
سالتاناتتى ءىس-شاراعا قورعانىس مينيسترلىگىنىڭ وكىلدەرى، اوسك سك باسشىلىعى، بوكستان وليمپيالىق ويىنداردىڭ قولا جۇلدەگەرى ساكەن بيبوسىنوۆ، قازاق كۇرەسىنەن «اسكەر بارىسى» ەراسىل قاجىباەۆ، «قازاقستان بارىسى» ءتۋرنيرىنىڭ جەڭىمپازى عالىمجان قىرىقباي قاتىستى.
مينيستر ارميا ورتالىق سپورت كلۋبى اسكەري جۇمىس پەن حالىقارالىق دارەجەدەگى سپورتشىلار دايارلاۋدى قاتار جولعا قويعانىن اتاپ ءوتتى. بۇعان اسكەري قىزمەتشىلەر اراسىنان 9 سپورتشى پاريج وليمپياداسىنا جولداما جەڭىپ العانى دالەل. اتاپ ايتقاندا، بوكسشىلار – ساكەن بيبوسىنوۆ پەن ماحمۇد سابىرحان، تاەكۆوندوشىلار – سوميرحون اباباكيروۆ پەن باتىرحان تىلەۋعالي، قازىرگى بەسسايىس وكىلى ەلەنا پوتوپەنكو، نىسانا كوزدەۋدەن يسلام ساتباەۆ، گرەك-ريم بالۋاندارى – ايدوس سۇلتانعالي مەن ءالىمحان سىزدىقوۆ جانە سپورتتىق گيمناستيكادان ناريمان قۇربانوۆ پاريجدە ەل نامىسىن قورعايدى.
اسكەري سپورتشىلاردىڭ نەگىزگى جەتىستىكتەرىنىڭ كىلتى – ءداستۇردى ساقتاي وتىرىپ، ارقاشان ءوز-ءوزىن دامىتىپ جۇرگەن جاتتىقتىرۋشىلار قۇرامىنىڭ ەڭبەگى. سىزدەردىڭ كاسىبيلىگىڭىزدىڭ ارقاسىندا ءبىزدىڭ كوپتەگەن سپورتشىمىز كوشباسشىعا اينالىپ، كوپكە ۇلگى بولىپ ءجۇر. سونىمەن قاتار سىزدەردىڭ سپورتقا دەگەن ادالدىق پەن جەڭىسكە دەگەن ۇمتىلىسىڭىز سپورتشىلاردى شابىتتاندىرىپ، ارميا قابىرعاسىندا قالىپتاسقان رۋحاني كۇش پەن مىنەزدىڭ بەرىكتىگى جەڭىسكە جەتۋ جولىنداعى كەز كەلگەن كەدەرگىنى ەڭسەرۋگە مۇمكىندىك بەرەدى، – دەدى ەرمەك مارجىقپاەۆ.
سونىمەن قاتار ءىس-شارادا اوسك سك وكىلدەرى – ساكەن بيبوسىنوۆ پەن ەراسىل قاجىباەۆقا وفيتسەر اتاعى بەرىلدى.
