Tennısten Qazaqstan quramasy shırek fınalǵa shyqty

Shymkent qalasynda 16 jasqa deıingi jasóspirimder arasynda ótip jatqan Bıllı Djın Kıng kýbogynyń Azııa — Tynyq muhıt aımaǵy boıynsha irikteý týrnırinde Qazaqstan quramasy merziminen buryn shırek fınalǵa shyqty, dep habarlady Qazaqstan tennıs federaııasy.

A tobynda Iaroslava Shvedova jattyqtyratyn jasóspirimder komandasy Indonezııa quramasyn 3:0 esebimen jeńdi.

Aldymen Eva Korysheva ındonezııalyq Naomıdi 6:0, 6:0 esebimen jeńse, Arıana Gogýlına Sınklerden 6:4, 6:2 esebimen basym tústi.

Juptyq synda Arıana Gogýlına Albına Kákenovamen birge komandaǵa úshinshi upaıdy ákeldi. Olar qarsylastaryn 6:0, 6:2 esebimen jeńdi.

Endi erteń Qazaqstan quramasy Japonııamen oınaıdy. Osy matchta qaı komandanyń A tobynan birinshi orynmen shırek fınalǵa shyǵatyny belgili bolady.

Japonııalyqtar da Qazaqstan sekildi merziminen buryn shırek fınalǵa joldama aldy.

Irikteý týrnırinde jartylaı fınalǵa shyqqan tórt komanda álem chempıonatyna barady.