الەمگە ايگىلى جاپون دزيۋدوشىسى نەگە اقتاۋعا كەلمەدى؟

جاقىندا استانا مەن قاراعاندىعا الەمگە ايگىلى جاپون دزيۋدوشىسى شوحەي ونونىڭ كەلىپ، شەبەرلىك ساباعىن وتكىزگەن بولاتىن.

بۇل تۋرالى SportPress.kz اقپاراتتىق-ساراپتامالىق سپورت سايتى دا جازىپ، وقىرماندى قۇلاعدار ەتتى. وسى رەتتە ويعا كەلەتىن ءبىرن نارسە، اتاقتى كۇنشىعىس ەلىنىڭ سپورتشىسى نەگە اقتاۋعا كەلمەدى؟ نەگە ونى ماڭعىستاۋ وبلىسىنا ءوڭىردىڭ دزيۋدو فەدەراتسياسىنىڭ باسشىسى شاقىرمادى دەگەن ساۋال تۋىندايدى.

دزيۋدودان وليمپيادانىڭ ەكى مارتە، الەمنىڭ جەتى دۇركىن چەمپيونى، داڭقتى سپورتشى شوحەي ونو قارا جاياۋ ادام ەمەس. ول اتاق-داڭقى جەر-جۇزىنە تاراعان اڭىز ادام.

ءبىرىنشى بولىپ اتاقتى دزيۋدوشىنى قاراعاندىنىڭ ساڭلاق سامبوشىسى جانە سپورت قايراتكەرى تالعات بايشولاقوۆ شاقىرىپ، كۇتىپ الدى. ودان كەيىن Jenys كاسىپقوي دزيۋدو كلۋبىنىڭ سپورتشىلارى ايگىلى جاپون سپورتشىسىنان ەكى ساعاتتىق شەبەرلىك ساباق الدى. ال 9 مامىردا استانا قالاسىنداعى Kodokan Spirit دزيۋدو ورتالىعىندا شوحەي ونودان 150-دەن استام بالا كەڭەس الىپ،  سپورتتاعى ادىستەرىن ۇيرەندى.

وسى ورايدا ماڭعىستاۋ دزيۋدو فەدەراتسياسىنىڭ پرەزيدەنتى اسىلبەك جولدىباەۆ پەن قازاقستان دزيۋدو فەدەراتسياسىنىڭ اتقارۋشى ديرەكتورى ايبەك يماشەۆ نەلىكتەن اڭىزعا اينالعان دزيۋدو مايتالمانىن اقتاۋعا شاقىرمادى دەگەن ساۋال تۋىندايدى. الدە، ا.يماشەۆ استاناعا كوتەرىلىپ كەتكەن سوڭ ماڭعىستاۋدى ۇمىتىپ ۇلگەردى مە؟

استانا مەن قاراعاندىنىڭ سپورتقا جاۋاپتى باسشىلارىنا «ونومەن كۇرەسكەن دزيۋدوشىنىڭ ارمانى جوق شىعار» دەپ قىزىعىپ قارايمىن.

بيىل اقتاۋداعى تۇرار جولدىباەۆ اتىنداعى دزيۋدو ورتالىعىنىڭ اشىلعانىنا سەگىز جىل بولادى. وبلىستىق دزيۋدو ورتالىعىنان وليمپيادا، الەم جانە ازيا چەمپيوندارى قاشان شىعادى؟ باسىندا اكەسىنىڭ اتىندا سپورت مەكتەبىن اشقان كاسىپكەر ا.جولدىباەۆ بارلىق شىعىندى ءوزى كوتەرەدى دەپ ويلايتىن ەدىم. سويتسە، ولار دا وبلىس بيۋدجەتىنەن قىرۋار قاراجات الىپ وتىرادى ەكەن.

وبلىستىق سپورت باسقارماسىنا جىل سايىن 133 ملن تەڭگە بولىنەدى. ناعىز كەرەك ادامىڭ يماشەۆ پەن جولدىباەۆ اقتاۋعا الدىرا ما دەپ كۇتكەنمىن. بىراق «سونى ايتقىزباي بىلەتىن بالا قايدا؟» – دەگەندەي بولدى.

ايبەك مۇحانوۆ،

اقتاۋ