Álemge áıgili japon dzıýdoshysy nege Aqtaýǵa kelmedi?

Jaqynda Astana men Qaraǵandyǵa álemge áıgili japon dzıýdoshysy Shoheı Ononyń kelip, sheberlik sabaǵyn ótkizgen bolatyn.

Bul týraly SportPress.kz aqparattyq-saraptamalyq sport saıty da jazyp, oqyrmandy qulaǵdar etti. Osy rette oıǵa keletin birn nárse, ataqty Kúnshyǵys eliniń sportshysy nege Aqtaýǵa kelmedi? Nege ony Mańǵystaý oblysyna óńirdiń Dzıýdo federaııasynyń basshysy shaqyrmady degen saýal týyndaıdy.

Dzıýdodan Olımpıadanyń eki márte, álemniń jeti dúrkin chempıony, dańqty sportshy Shoheı Ono qara jaıaý adam emes. Ol ataq-dańqy jer-júzine taraǵan ańyz adam.

Birinshi bolyp ataqty dzıýdoshyny Qaraǵandynyń sańlaq samboshysy jáne sport qaıratkeri Talǵat Baısholaqov shaqyryp, kútip aldy. Odan keıin Jenys kásipqoı dzıýdo klýbynyń sportshylary áıgili japon sportshysynan eki saǵattyq sheberlik sabaq aldy. Al 9 mamyrda Astana qalasyndaǵy Kodokan Spirit dzıýdo ortalyǵynda Shoheı Onodan 150-den astam bala keńes alyp,  sporttaǵy ádisterin úırendi.

Osy oraıda Mańǵystaý dzıýdo federaııasynyń prezıdenti Asylbek Joldybaev pen Qazaqstan dzıýdo federaııasynyń atqarýshy dırektory Aıbek Imashev nelikten ańyzǵa aınalǵan dzıýdo maıtalmanyn Aqtaýǵa shaqyrmady degen saýal týyndaıdy. Álde, A.Imashev Astanaǵa kóterilip ketken soń Mańǵystaýdy umytyp úlgerdi me?

Astana men Qaraǵandynyń sportqa jaýapty basshylaryna «Onomen kúresken dzıýdoshynyń armany joq shyǵar» dep qyzyǵyp qaraımyn.

Bıyl Aqtaýdaǵy Turar Joldybaev atyndaǵy Dzıýdo ortalyǵynyń ashylǵanyna segiz jyl bolady. Oblystyq dzıýdo ortalyǵynan Olımpıada, álem jáne Azııa chempıondary qashan shyǵady? Basynda ákesiniń atynda sport mektebin ashqan kásipker A.Joldybaev barlyq shyǵyndy ózi kóteredi dep oılaıtyn edim. Sóıtse, olar da oblys bıýdjetinen qyrýar qarajat alyp otyrady eken.

Oblystyq sport basqarmasyna jyl saıyn 133 mln teńge bólinedi. Naǵyz kerek adamyń Imashev pen Joldybaev Aqtaýǵa aldyra ma dep kútkenmin. Biraq «Sony aıtqyzbaı biletin bala qaıda?» – degendeı boldy.

Aıbek MUHANOV,

AQTAÝ