قازاقستان سەمسەرلەسۋدەن الەم كۋبوگىنىڭ قولا جۇلدەسىن جەڭىپ الدى

فرانتسيانىڭ سەن-مور قالاسىندا سەمسەرلەسۋدەن وتكەن الەم كۋبوگىنىڭ كەزەڭىندە قازاقستان ەرلەر قۇراماسى ءۇشىنشى ورىنعا يە بولدى، دەپ حابارلادى تۋريزم جانە سپورت مينيسترلىگىنىڭ سپورتتى دامىتۋ ديرەكتسياسى.

قولا مەدال ءۇشىن ايقاستا ۇلتتىق قۇراما يزرايل كومانداسىن 45:29 ەسەبىمەن ۇتتى. كوماندا ساپىندا رۋسلان كۋربانوۆ، ەلمير ءالىمجانوۆ، ۆاديم شارلايموۆ پەن ەرلىك سەرتايدىڭ كۆارتەتى سىنعا ءتۇستى.

بۇدان باسقا جەكەلەي سىندا ەل نامىسىن كيريلل پاۆلوۆ، نيكيتا جۋلينسكي، الەكساندر فەدوتوۆ قورعادى.

بۇل كەزەڭگە بارلىعى 31 مەملەكەتتەن 309 سەمسەرلەسۋ شەبەرى قاتىستى.