SportPress.kz Қазақстан спорт жаңалықтары
Футболдан Қазақстан ұлттық құрамасының Армения мен Әзербайжан командаларымен болатын жолдастық матчтарға қатысатын ойыншылардың кеңейтілген тізімі жарияланды, деп хабарлады Қазақстан футбол федерациясы.
Ел құрамасы 7 маусымда Армениямен Еревандағы В.Саркисян атындағы Республикалық стадионда, 11 маусымда Әзербайжан құрамасымен Мажарстанның Сомбатхей қаласындағы «Халадаш» стадионында ойнайды.
Қазақстан құрамасының тізімі:
Қақпашылар: Игорь Шацкий («Ақтөбе»), Бекхан Шайзада («Ордабасы»), Данил Устименко («Қайрат»), Александр Заруцкий («Астана»);
Қорғаушылар: Александр Марочкин, Ян Вороговский, Марат Быстров (барлығы — «Астана»), Еркін Тапалов, Роман Асранкулов, Руслан Валиуллин (барлығы — «Тобыл»), Бағдат Қайыров, Әлібек Қасым, Әділхан Таңжарықов (барлығы — «Ақтөбе»), Сергей Малый, Темірлан Ерланов (екеуі де — «Ордабасы»), Әділхан Добай («Жетісу»), Михаил Габышев («Елімай»), Нұралы Әліп («Зенит», Ресей), Александр Зуев («Арсенал», Ресей);
Жартылай қорғаушылар: Асхат Тағыберген, Бауыржан Исламхан, Айбол Әбікен (барлығы — «Ордабасы»), Максим Самородов, Рамазан Оразов, Арман Кеңесов (барлығы -«Ақтөбе»), Абзал Бейсебеков, Исламбек Куат (екеуі — «Астана»), Әділет Садыбеков («Қайрат»), Ислам Чесноков («Тобыл»);
Шабуылшылар: Владислав Прокопенко, Рамазан Каримов, Эльхан Астанов (барлығы — «Астана»), Иван Свиридов («Елімай»), Абат Аймбетов («Адана Демирспор», Түркия).
Жалпы тізімге 34 ойыншы енді. Команданың нақты тізімі кейін белгілі болады.
Қазақстан ұлттық құрамасы 2 маусымда Алматыда оқу-жаттығу жиынын бастайды.
УЕФА Ұлттар лигасының 2024/25 маусымының жеребе тарту қорытындысы бойынша Қазақстан В лигасында Австрия, Норвегия және Словения құрамаларымен бірге үшінші топқа түсті.
