قازاقستان حوككەيدەن يسلام ەلدەرى اراسىندا كۇمىس جۇلدەگەر اتاندى

قازاقستان قۇراماسى حوككەيدەن 11-15 مامىر ارالىعىندا تاتارستان رەسپۋبليكاسىنىڭ قازان قالاسىندا «رەسەي – يسلام الەمى: Kazan Forum» اتتى حالىقارالىق ەكونوميكالىق فورۋمىنىڭ اياسىندا وتكەن حالىقارالىق تۋرنيردە كۇمىس جۇلدەگە يە بولدى.

بۇل جارىسقا ەل قۇراماسىنىڭ ساپىندا شىعىس قازاقستان وبلىسىنىڭ پوليتسەيلەرى دە سايىسقا ءتۇستى.

Polisia.kz-ءتىڭ حابارلاۋىنشا، قازاقستاننىڭ نامىسىن Oskemen كومانداسى قورعادى. ونىڭ قۇرامىنا شىعىس قازاقستان وبلىسى پوليتسيا دەپارتامەنتىنىڭ قىزمەتكەرلەرى سەرىك شيدەرينوۆ پەن گەورگي وبۋحوۆ كىردى.

ا توبىندا تاتارستان، قىرعىزستان، قازاقستان،تۇركيا، موڭعوليا مەن ليۆاننىڭ ارالاس كوماندالارى وينادى. ۆ توبىندا يران، باحرەين، ازەربايجان، موڭعوليا مەن پاكىستاننىڭ ارالاس قۇرامالارى ونەر كورسەتتى.

تۋرنيردە Oskemen كومانداسىنان جاساقتالعان قازاقستان قۇراماسى قىرعىزستان مەن تۇركيانى جەڭىپ، ا توبىنداعى جارتىلاي فينالدا ماتچتان كەيىنگى سوققىلار سەرياسىندا 2:3 ەسەبىمەن الاڭ يەلەرى — تاتارستان قۇراماسىنان جەڭىلىپ قالدى.