اليا كۋبوگى: قازاقستان يندورحوككەيدەن پلەي-وففقا شىقتى

يندورحوككەيدەن ەرلەر اراسىندا تالدىقورعان قالاسىندا ءوتىپ جاتقان ازيا كۋبوگىنىڭ پلەي-وفف كەزەڭىنە جولداما العان كوماندالار انىقتالدى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسى.

قازاقستان قۇراماسى وماندى 4:0، يندونەزيانى 6:2 جەڭىپ، مالايزيامەن 3:3 ەسەبىمەن تەڭ ءتۇسىپ، شيرەك فينالعا شىقتى.

ەندى قازاقستان مەن يران حوككەيشىلەرى كەلەسى اينالىمعا وتۋگە بارىن سالادى. سول سەكىلدى جالعىز جولداما ءۇشىن سينگاپۋر مەن ومان، يندونەزيا مەن تاجىكستان، تايلاند پەن مالايزيا سىنعا تۇسەدى.

بيىلعى ازيا كۋبوگىنىڭ فينالىنا شىققان قۇرامالار كەلەسى جىلى وتەتىن الەم چەمپيوناتىنا بارادى.

قازاقستان كومانداسىنىڭ قۇرامى: اعىمتاي دۇيسەنعازى، ماقسات جوكەنباەۆ، جەڭىس بەيبىتوۆ، ەرمەك تاشكەەۆ، ەرالى دانيار، التىنبەك ايتقاليەۆ، امان ەلۋباەۆ، ەراسىل اسحاتوۆ (قاقپاشى)، ازات قۋاتوۆ، ەركەبۇلان دۇيسەنبەكوۆ، تىلەك وزبەك، لەنۋر ۆيشنياكوۆ (قاقپاشى).