SportPress.kz قازاقستان سپورت جاڭالىقتارى
بۇگىن شۆەيتساريانىڭ لوزاننا قالاسىندا قازاقستان ۇلتتىق وليمپيادا كوميتەتىنىڭ حالىقارالىق وليمپيادا كوميتەتىنە رەسمي ءىس-ساپارى اياقتالدى، دەپ حابارلادى Olympic.kz.
ساپاردىڭ سوڭعى كۇنى ۇوك پرەزيدەنتى گەننادي گولوۆكين باستاعان دەلەگاتسيا حوك باسشىسى توماس باحپەن كەزدەستى.
كەزدەسۋدە قازاقستان مەن حوك اراسىنداعى ارىپتەستىكتى نىعايتۋ ماسەلەسى اڭگىمە بولدى.
باح ۇوك پرەزيدەنتى گەننادي گولوۆكيندى جاۋاپتى قىزمەتكە سايلانۋىمەن قۇتتىقتاپ، قازاقستان ۇلتتىق وليمپيادا كوميتەتىنىڭ جاڭا باسشىلىعىنا حوك قولداۋ كورسەتەتىنىن ايتتى.
ۇوك باسشىسى ءوز كەزەگىندە جاڭارعان كوماندانىڭ الداعى ماقساتى مەن مىندەتىن ايتىپ، حالىقارالىق ارىپتەستىك پەن اتلەتتەردى قولداۋ باعدارلامالارىنا ەرەكشە توقتالىپ ءوتتى.
گەننادي گولوۆكين ۇوك-ءتىڭ حالىقارالىق وليمپيادا كوميتەتىنە سەنىمدى سەرىكتەس بولىپ قالاتىنىن جانە ۇيىمنىڭ بارلىق باستامالارىن، ونىڭ ىشىندە، سپورتشىلار قۇقىعىن قورعاۋعا ارنالعان ۇسىنىستاردى ءاردايىم قولدايتىنىن ايتتى.
تاراپتار وليمپيادالىق كۇن تارتىبىندەگى ماڭىزدى ماسەلەلەردى جانە وليمپيادالىق قوزعالىستى دامىتۋ جۇمىستارىن، ونىڭ ىشىندە، قوزعالىستى ورتالىق ازيا ايماعىندا دامىتۋ ماسەلەسىن تالقىلادى.
كەزدەسۋدەن سوڭ گەننادي گولوۆكين اتاقتى سپورتشىلاردىڭ ۇيىمنىڭ شتاب-پاتەرىنە كەلگەندە قولتاڭبا قالدىراتىن وليمپياداشىلار قابىرعاسىنا قول قويدى.
حالىقارالىق وليمپيادا كوميتەتى مەن ارنايى توماس باح مىرزاعا بىزگە شاقىرتۋ جىبەرىپ، جىلى قارسى العانى ءۇشىن بارشا كوماندامىزدىڭ اتىنان العىس ايتامىن. بۇل كەزدەسۋ ورتاق ماقسات جولىندا بىرىككەن ەكى ۇيىم اراسىنداعى بەرىك ءارى سەنىمدى ارىپتەستىكتىڭ باستاۋى بولارىنا كۇمانىم جوق، — دەدى گولوۆكين.
كەزدەسۋگە حوك ديرەكتورى دجەيمس ماكلود، حوك-ءتىڭ ۇوك-تەرمەن قارىم-قاتىناس جونىندەگى ديرەكتورىنىڭ ورىنباسارى ولۆيە نيامكا مەن قازاقستان ۇوك باس حاتشىسى جانار وتەشەۆا دا قاتىستى.
22-23 مامىر كۇندەرى لوزاننادا وتكەن ءىس-ساپار بارىسىندا ۇوك دەلەگاتسياسى حوك قىزمەتى جانە دەپارتامەنتتەرى باسشىلارىمەن بىرقاتار كەزدەسۋ وتكىزىپ، ەكى ۇيىمنىڭ قارىم-قاتىناسىنا بايلانىستى ماڭىزدى ماسەلەلەردى تالقىلادى.
