HOK Golovkınge qoldaý kórsetetinin aıtty

Búgin Shveıarııanyń Lozanna qalasynda Qazaqstan Ulttyq Olımpıada komıtetiniń Halyqaralyq Olımpıada komıtetine resmı is-sapary aıaqtaldy, dep habarlady Olympic.kz. 

Sapardyń sońǵy kúni UOK prezıdenti Gennadıı Golovkın bastaǵan delegaııa HOK basshysy Tomas Bahpen kezdesti.

Kezdesýde Qazaqstan men HOK arasyndaǵy áriptestikti nyǵaıtý máselesi áńgime boldy.

Bah UOK prezıdenti Gennadıı  Golovkındi jaýapty qyzmetke saılanýymen quttyqtap, Qazaqstan Ulttyq Olımpıada komıtetiniń jańa basshylyǵyna HOK qoldaý kórsetetinin aıtty.

UOK basshysy óz kezeginde jańarǵan komandanyń aldaǵy maqsaty men mindetin aıtyp, halyqaralyq áriptestik pen atletterdi qoldaý baǵdarlamalaryna erekshe toqtalyp ótti.

Gennadıı Golovkın UOK-tiń Halyqaralyq Olımpıada komıtetine senimdi seriktes bolyp qalatynyn jáne uıymnyń barlyq bastamalaryn, onyń ishinde, sportshylar quqyǵyn qorǵaýǵa arnalǵan usynystardy árdaıym qoldaıtynyn aıtty.

Taraptar olımpıadalyq kún tártibindegi mańyzdy máselelerdi jáne Olımpıadalyq qozǵalysty damytý jumystaryn, onyń ishinde, qozǵalysty Ortalyq Azııa aımaǵynda damytý máselesin talqylady.

Kezdesýden soń Gennadıı Golovkın ataqty sportshylardyń uıymnyń shtab-páterine kelgende qoltańba qaldyratyn olımpıadashylar qabyrǵasyna qol qoıdy.

Halyqaralyq Olımpıada komıteti men arnaıy Tomas Bah myrzaǵa bizge shaqyrtý jiberip, jyly qarsy alǵany úshin barsha komandamyzdyń atynan alǵys aıtamyn.  Bul kezdesý ortaq maqsat jolynda birikken eki uıym arasyndaǵy berik ári senimdi áriptestiktiń bastaýy bolaryna kúmánim joq, — dedi Golovkın.

Kezdesýge HOK dırektory Djeıms Maklod, HOK-tiń UOK-termen qarym-qatynas jónindegi dırektorynyń orynbasary Olvıe Nıamka men Qazaqstan UOK bas hatshysy Janar О́tesheva da qatysty.

22-23 mamyr kúnderi Lozannada ótken is-sapar barysynda UOK delegaııasy HOK qyzmeti jáne departamentteri basshylarymen birqatar kezdesý ótkizip, eki uıymnyń qarym-qatynasyna baılanysty mańyzdy máselelerdi talqylady.