SportPress.kz Qazaqstan sport jańalyqtary
Ispanııanyń «Real Madrıd» klýby úshinshi jyl qatarynan eń qymbat klýbtar reıtınginde birinshi orynǵa shyqty.
Forbes basylymnyń málimetine qaraǵanda, Madrıd qalasynyń klýbynyń quny — 6,6 mlrd dollar.
Bıylǵy maýsymda klýb Ispanııa chempıony atandy. Endi ol Chempıondar lıgasynyń jeńimpazy atanýy múmkin. 1 maýsymda fınalda korol klýby Germanııanyń Dortmýnd qalasynynyń «Borýssııa» klýbymen oınaıdy.
«Real Madrıd» 1981 jyldan beri Chempıondar lıgasynyń fınalynda jeńilgen emes.
Reıtıngte ekinshi orynda «Manchester Iýnaıted» klýby keledi. Bul klýbtyń bıýdjeti 6,55 mlrd dollar bolyp shyqty. Qazir komandanyń Anglııa chempıonatyndaǵy jaǵdaıy máz emes. Klýb 1990 jyldan beri eń nashar oıynyn kórsetip otyr. Soǵan qaramastan aǵylshyndardyń jasaǵy reıtıngtegi ekinshi oryndy saqtap qaldy.
Komanda Anglııanyń premer-lıgadamsynda segizinshi orynǵa ıe boldy. Onyń ústine Eýropa kýbogyna joldama almady. Biraq Anglııa kýbogynyń fınalynda «Manchester Sıtıdi» jeńse, Eýropa lıgasynda oınaı alady.
Úshinshi oryndy osy maýsymda birde-bir júldege almaǵan «Barselona» (5,6 mlrd dollar) saqtap qaldy.
Sonymen birge úzdik ondyqtan Anglııanyń «Lıverpýl» (5,4 mlrd dollar), «Manchester Sıtı» (5,1 mlrd dollar), Germanııanyń «Bavarııa» (5 mlrd dollar), Franııanyń «PSJ» (4,4 mlrd dollar), Anglııanyń «Tottenhem» (3,2 mlrd dollar), «Chelsı» (3,1 mlrd dollar), «Arsenal» (2,6 mlrd dollar) klýbtary oryn alǵan.
Anyqtama: «Real Madrıd» klýby 1902 jyly 6 naýryzda qurylǵan. «Santıago Bernabeý» stadıonynda oınaıdy. Ol 85 044 orynǵa arnalǵan. Klýbtyń prezıdenti – Florentıno Peres.
«Real Madrıd» klýby – Ispanııanyń 35 dúrkin chempıony, Korol kýbogynyń 14 dúrkin ıegeri. 12 ret Ispanııa Sýperkýbogyn, bir ret Lıga kýbogyn, Chempıondar lıgasyn 14 ret jeńip alǵan. Onyń ishinde Chempıondar lıgasy Eýropa chempıondarynyń kýbogy bolyp turǵanda jarysty qatarynan bes ret, keıin qazirgitataýyna ıe bolǵanda qatarynan úsh ret jeńimpaz atanǵan.
Dastan KENJALIN,
ASTANA
