SportPress.kz Qazaqstan sport jańalyqtary
ShYU-ǵa múshe memleketterdiń sport mınıstrleri keńesi aıasynda týrızm jáne sport mınıstri Ermek Marjyqpaev Belarýs Respýblıkasynyń sport jáne týrızm mınıstri Sergeı Kovalchýkpen ekijaqty kelissóz ótkizdi, dep habarlady Týrızm jáne sport mınıstrligi.
Vedomstvo basshylary eki el arasyndaǵy áriptestikti odan ári damytýdyń mańyzdy máselelerin talqylady. Qazaqstan men Belarýs arasyndaǵy yntymaqtastyq ekonomıkanyń negizgi salalarynda jan-jaqty damyp keledi.
Ekijaqty baılanystar Táýelsiz Memleketter Dostastyǵy jáne Eýrazııalyq ekonomıkalyq odaq sııaqty halyqaralyq uıym aıasynda da jemisti jalǵasýda.
Kezdesýde eki el mınıstrleri 2024-2028 jyldarǵa arnalǵan dene shynyqtyrý jáne sport salasyndaǵy yntymaqtastyq baǵdarlamasyna qol qoıdy.
Eń aldymen sizderdi Qazaqstan quramasy sporttyń 14 túrinen qatysqan II TMD elderiniń oıyndaryn sátti ótkizgenderińizben quttyqtaımyn! Mundaı sporttyq jarystar sportshylardyń rýhyn nyǵaıtýǵa yqpal etetinine senimdimin. Sonymen qatar biz Belarýs sportshylaryn Qazaqstan aýmaǵyndaǵy halyqaralyq jarystarda kórgenimizge qýanyshtymyz.
2023-2024 jyldary sizdiń eldiń sportshylary jeńil atletıka, karate, sadaq atý, shaıbaly hokkeı, ústel tennısi, oq atý jáne basqa da jarystarda baq synady.
Bıylǵy qyrkúıek aıynda Astanada 5-shi Dúnıejúzilik kóshpendiler oıyndary bolady. Belarýs sportshylarynyń sheberligi men daıyndyǵyn eskere otyryp, Oıyndarda olardan joǵary nátıje kútemiz, — dedi Ermek Marjyqpaev.
Sonymen qatar kezdesýde vedomstvo basshylary eki eldiń týrıstik salasyn damytý máselelerin talqylady. Ermek Marjyqpaev 2023 jyly Qazaqstanǵa Belarýs Respýblıkasynan kelgen týrıster sany 2022 jylmen salystyrǵanda 1,5 ese artqanyn atap ótti.
Týrızm jáne sport mınıstri ulttyq parkterde ekotýrızmdi, agro, medıınalyq jáne balalar týrızmin damytýda tájirıbe almasýdy usyndy. Sondaı-aq Qazaqstan men Belarýs taý kýrorttarynda biryńǵaı birlesken «Skı-passalardy» engizý ıdeıasy aıtyldy.
