بوكسشى مۇحامەدسابىر بازارباي ۇلى شيرەك فينالعا شىقتى

بوكستان تايلاندتىڭ استاناسى – بانگكوك قالاسىندا ءوتىپ جاتقان وليمپياداعا سوڭعى ىرىكتەۋ تۋرنيرىندە قازاقستان قۇراماسىنىڭ وكىلى مۇحامەدسابىر بازارباي ۇلى 63،5 كگ سالماققا دەيىنگى دارەجەدە ءۇشىنشى رەت شارشى الاڭعا شىعىپ، قارسىلاسىن جەڭدى.

ول يتاليالىق دجانلۋيدجي مالانگادان ايلاسىن اسىرىپ، شيرەك فينالعا شىقتى. بۇل جەكپە-جەك اسا تارتىستى جانە قىزىقتى بولدى. قازاق بوكسشىسى تورەشىلەر شەشىمىمەن جەڭىسكە جەتتى.

وسىلايشا، ول وليمپيادا كۆوتاسىنا ءبىر قادام جاقىندادى.

ايتا كەتەتىن نارسە، قازاقستان ەرلەر كومانداسىندا ءبىر سالماقتا وليمپيادا جولداماسى جوق.

ەندى ۇلتتىق قۇرامانىڭ وكىلى ¼ فينالدا ەريسلاندي الۆارەسپەن (كۋبا) كەزدەسەدى. بۇل سالماقتا وليمپيادانىڭ 5 جولداماسى ساراپقا سالىنادى.

داستان كەنجالين،

استانا