Boksshy Muhamedsabyr Bazarbaıuly shırek fınalǵa shyqty

Bokstan Taılandtyń astanasy – Bangkok qalasynda ótip jatqan Olımpıadaǵa sońǵy irikteý týrnırinde Qazaqstan quramasynyń ókili Muhamedsabyr Bazarbaıuly 63,5 kg salmaqqa deıingi dárejede úshinshi ret sharshy alańǵa shyǵyp, qarsylasyn jeńdi.

Ol ıtalııalyq Djanlýıdjı Malangadan aılasyn asyryp, shırek fınalǵa shyqty. Bul jekpe-jek asa tartysty jáne qyzyqty boldy. Qazaq boksshysy tóreshiler sheshimimen jeńiske jetti.

Osylaısha, ol Olımpıada kvotasyna bir qadam jaqyndady.

Aıta ketetin nárse, Qazaqstan erler komandasynda bir salmaqta Olımpıada joldamasy joq.

Endi ulttyq quramanyń ókili ¼ fınalda Erıslandı Alvarespen (Kýba) kezdesedi. Bul salmaqta Olımpıadanyń 5 joldamasy sarapqa salynady.

Dastan KENJALIN,

ASTANA