رىباكينا «رولان گارروس» ءتۋرنيرىنىڭ ءۇشىنشى اينالىمىنا شىقتى

ەلەنا رىباكينا پاريجدە ءوتىپ جاتقان «رولان گارروس» ءتۋرنيرىنىڭ ءۇشىنشى اينالىمىنا شىقتى، دەپ حابارلادى قازاقستان تەننيس فەدەراتسياسى.

وتانداسىمىز ەكىنشى اينالىمدا دۇنيەجۇزىلىك رەيتينگىدە 50-ورىندا تۇرعان نيدەرلاندىلىق ارانچا رۋسپەن وينادى. وسىعان دەيىن قارسىلاستار ەكى رەت كەزدەسىپ، ءبىر-بىردەن جەڭىسكە جەتكەن ەدى.

بۇل جولى ءبىرىنشى پارتيادا رىباكينا 6:3 ەسەبىمەن باسىم ءتۇستى. ەكىنشى سەتتە رۋس 4:2 ەسەبىمەن العا شىققانىمەن، بۇدان كەيىن قازاقستان تەننيسشىسى ويىنداعى باسىمدىقتى تولىق قولىنا الا ءبىلدى. ەسەپ – 6:4.

ەندى ەلەنا رىباكينا ءتورتىنشى اينالىمعا شىعۋ ءۇشىن الەمنىڭ 27-راكەتكاسى، بەلگيالىق ەليزە مەرتەنس نەمەسە رەيتينگىدە 81-ساتىداعى حورۆاتيالىق پەترا مارتيچپەن كورتقا شىعادى.