Boksshy Aslanbek Shymbergenov toǵyz jyldan kútken  Olımpıadaǵa barady

2013 jyly bokstan Atyraýda ótken Qazaqstan chempıonatynda Aslanbek Shymbergenov 64 kelide baq synap, ekinshi oryn aldy. Sodan keıin ol ulttyq quramaǵa alynyp, sheteldegi saıystarda el mereıin asqaqtatty.

2014 jyly Tarazda el chempıony atandy.

2016 jyly Rıo Olımpıadasyna qaraǵandylyq Abylaıhan Júsipov qatysty. Olımpıadaǵa barmasa da A.Shymbergenov bokstan ketpedi. Qaıta ol Olımpıadaǵa qalaıda qatysamyn dep ózine jospar qoıady.

2017 jyly Taldyqorǵanda ótken el chempıonatynda altyn medaldi jeńip alyp, ekinshi márte Qazaqstan chempıony atandy.

2018 jyly Indonezııanyń Jakarta qalasynda jalaýy jelbiregen jazǵy Azııa oıyndarynda kúmis, tórt jyldan keıin Qytaıdyń Hanchjoý qalasynda úshinshi oryn aldy.

2022 jyly Azııa chempıonatynda 71 kelige aýysyp, altyn medalge ıe boldy. Bul — onyń karerasyndaǵy alǵashqy altyn júldesi edi.

2020 jyly Tokıo Olımpıadasyna bara almaı elde qalyp, kásipqoıǵa ketsem be degen oı keledi. Biraq jeke jattyqtyrýshysy Ermek Ertaevpen aqyldasyp, áýesqoı boksta qalyp, álem chempıonatyna jáne Olımpıadaǵa qatysaıyq dep jospar qurady.

Kezinde Abylaıhan Júsipovti quramada súırep júrdi. Gambýrg-2017, Ekaterınbýrg-2019, Belgrad-2021 jyldary ótken úsh birdeı álem chempıonatynda Abylaıhan Júsipov úsh márte qola medal aldy. A.Júsipov qola júldeden asa almady. Júsipov Rıo-2016, Tokıo-2020 Olımpıadasyna qatysyp, júlde ala almaı qaldy. Júsipov keıin kásipqoıǵa aýysty.

Bokstan ulttyq quramanyń jattyqtyrýshylary Aslanbekke senip, ony kapıtan etip saılaıdy. Bir kezderi Júsipovtiń kóleńkesinde qalyp júrgen Shymbergenov endi quramada birinshi nómirli sportshy bolady.

2023 jyly Tashkentte ótken álem bchempıonatynda 71 kg salmaqta A.Shymbergenov chempıon atanady. Fınalda ózbek ókili Saıdjamshıt Jafarovty aıqyn basymdyqpen jeńdi.

Bıyl Italııada ótken álemdik lıenzııalyq týrnırde Parıj Olımpıadasynyń joldamasyn aldy. Ol óziniń toǵyz jyl kútken Olımpıadasyna baratynyna, armanynyń orandalatynyna sendi. Sol maqsatyna jetti. Endi Parıjden jeńýdi ǵana oılaýy kerek.

Biz Shymbergenovke senemiz. Franııa astanasynda kók týymyzdy jelbiretip, ánuranymyzdy shyrqatýyn tileımiz!

Aıbek MUHANOV,

AQTAÝ