SportPress.kz قازاقستان سپورت جاڭالىقتارى
بوكستان قازاقستان قۇراماسىنىڭ باس جاتتىقتىرۋشىسى مىرزاعالي ايتجانوۆ تايلاندتىڭ بانگكوك قالاسىندا وتكەن سوڭعى ىرىكتەۋ تۋرنيرىنەن كەيىن ەرلەردىڭ ۇلتتىق قۇراما كومانداسىنىڭ وليمپياداعا دايىندىعى تۋرالى ايتىپ بەردى، دەپ حابارلادى olympic.kz.
ول وليمپياداعا ۇلتتىق قۇرامانى تولىق قۇرامدى اپارۋدى جوسپارلاعانىن ايتىپ، بوكسشىلاردىڭ تقرت جىلدا ءبىر اينالىپ كەلەتىن دۇرمەكتى دوداعا دايىندىعى ءتيىستى دەڭگەيدە بولىپ جاتقانىن اتاپ ءوتتى.
بيىلعى العا قويعان جوسپارىمىزدىڭ ءبىرى – وليمپياداعا تولىق قۇرامدا بارۋ ەدى. سول ماقساتىمىزعا جەتتىك، ويىمىز تولىق ورىندالدى. ەندىگى ماقسات – جىگىتتەرىمىز رينگتە بارىن سالىپ، ەلگە ابىرويمەن ورالۋ. مۇحامەدسابىردىڭ جولداما العانىنا وتە قۋانىشتىمىن. وعان وڭاي بولعان جوق.
ەكى ىرىكتەۋ جارىسى دا جىگىتتەرگە قيىن سوقتى. بانگكوكتەگى تۋرنيردەن سوڭ دا مىقتى دەگەن بوكسشىلار جولداماسىز قالدى.
قازىر بوكس بەس قۇرلىقتا دا دامىپ جاتىر. سوندىقتان، ءاربىر جەكپە-جەك فينالدان كەم ەمەس. بازارباي ۇلى التى رەت شارشى الاڭعا شىعىپ، ليتسەنزيا الىپ وتىر. وعان تەك جارايسىڭ دەيمىز.
بىزگە قولداۋ كورسەتىپ جاتقان باسشىلارعا العىسىمىز شەكسىز. قاجەتتى جارىستار مەن جيىندار ۋاقىتىلى ءوتىپ جاتىر. ەلدى قۋانتىپ، حالىقتىڭ ءۇمىتىن اقتاۋ- باستى ماقساتىمىز، — دەدى باس جاتتىقتىرۋشى.
بيىلعى پاريج وليمپياداسىندا بوكستان قازاقستان ەرلەر كومانداسى تولىق قۇرامدا ونەر كورسەتەدى. 2016 جىلى برازيليانىڭ ريو-دە-جانەيرو قالاسىنجا جالاۋى جەلبىرەگەن وليمپيالىق ويىندارعا دا مىرزاعالي ايتجانوۆ باستاعان كوماندا تولىق قۇرامدا قاتىسقان بولاتىن.
