Qazir boksta árbir jekpe-jek fınaldan kem emes – Myrzaǵalı Aıtjanov

Bokstan Qazaqstan quramasynyń bas jattyqtyrýshysy Myrzaǵalı Aıtjanov Taılandtyń Bangkok qalasynda ótken sońǵy irikteý týrnırinen keıin erlerdiń ulttyq qurama komandasynyń Olımpıadaǵa daıyndyǵy týraly aıtyp berdi, dep habarlady olympic.kz.

Ol Olımpıadaǵa ulttyq quramany tolyq quramdy aparýdy josparlaǵanyn aıtyp, boksshylardyń tqrt jylda bir aınalyp keletin dúrmekti dodaǵa daıyndyǵy tıisti deńgeıde bolyp jatqanyn atap ótti.

Bıylǵy alǵa qoıǵan josparymyzdyń biri – Olımpıadaǵa tolyq quramda barý edi. Sol maqsatymyzǵa jettik, oıymyz tolyq oryndaldy. Endigi maqsat – jigitterimiz rıngte baryn salyp, elge abyroımen oralý.  Muhamedsabyrdyń joldama alǵanyna óte qýanyshtymyn. Oǵan ońaı bolǵan joq.

Eki irikteý jarysy da jigitterge qıyn soqty. Bangkoktegi týrnırden soń da myqty degen boksshylar joldamasyz qaldy.

Qazir boks bes qurlyqta da damyp jatyr. Sondyqtan, árbir jekpe-jek fınaldan kem emes. Bazarbaıuly alty ret sharshy alańǵa shyǵyp, lıenzııa alyp otyr. Oǵan tek jaraısyń deımiz.

Bizge qoldaý kórsetip jatqan basshylarǵa alǵysymyz sheksiz. Qajetti jarystar men jıyndar ýaqytyly ótip jatyr. Eldi qýantyp, halyqtyń úmitin aqtaý- basty maqsatymyz, — dedi bas jattyqtyrýshy.

Bıylǵy Parıj Olımpıadasynda bokstan Qazaqstan erler komandasy tolyq quramda óner kórsetedi. 2016 jyly Brazılııanyń Rıo-de-Janeıro qalasynja jalaýy jelbiregen Olımpııalyq oıyndarǵa da Myrzaǵalı Aıtjanov bastaǵan komanda tolyq quramda qatysqan bolatyn.