جىبەك قۇلامباەۆا يتالياداعى ءتۋرنيردىڭ جارتىلاي فينالىنا شىقتى

تەننيسشى جىبەك قۇلامباەۆا يتاليانىڭ باري قالاسىندا جۇپتىق سىندا ءوتىپ جاتقان WTA125 چەللەندجەر ءتۋرنيرىنىڭ جارتىلاي فينالىنا شىقتى، دەپ حابارلادى قازاقستان تەننيس فەدەراتسياسى.

ول پورتۋگاليالىق فرانچيسكا حورحەمەن بىرگە شيرەك فينالدا ارگەنتينالىق ناديا پودوروسكا مەن رۋمىنيالىق يرينا بارەنى جەڭدى.

تەننيسشىلەر قارسىلاستارىنان 7:5، 6:3 ەسەبىمەن باسىم ءتۇستى.

ەندى قۇلامباەۆا مەن حورحە فينالعا شىعۋ ءۇشىن جارىستىڭ 1-راكەتكالارى، وتانداسىمىز اننا دانيلينا مەن رەسەيلىك يرينا حروماچيوۆا نەمەسە فرانتسيالىق ەستەلل كاشينو مەن گرۋزيالىق ناتەلا دزالاميدزە جۇپتارىنىڭ جەڭىمپازدارىمەن وينايدى.