بۇگىن ماجارستاننىڭ سومباتحەي قالاسىنداعى «حالاداش» ستاديونىندا فۋتبولدان قازاقستان مەن ازەربايجان ەلدەرىنىڭ ۇلتتىق قۇرامالارىنىڭ جولداستىق ماتچى بولادى.
ويىن ساعات 21:00-دەن باستاپ Qazsport تەلەارناسىنان تىكەلەي ەفيردە كورسەتىلەدى.
وسى كەزگە دەيىن ۇلتتىق قۇراما كوماندالار ءبىر-بىرىمەن سەگىز رەت ويناعان. ونىڭ ەكەۋىندە ازەربايجان جەڭىسكە جەتسە، تورتەۋىندە قازاقستان قۇراماسى باسىم ءتۇستى. ەكى ويىن تەڭ ناتيجەمەن اياقتالعان.
فيفا رەيتينگىندە قازاقستان 100-ورىندا تۇرسا، ازەربايجان 113-ورىندا كەلەدى.
بۇل ويىندا قازاقستان قۇراماسى باس جاتتىقتىرۋشىنىڭ مىندەتىن رۋسلان بالتيەۆ اتقارادى. ۇلتتىق قۇراماعا جاڭا تاعايىندالعان باس جاتتىقتىرۋشى ستانيسلاۆ چەرچەسوۆ وسى ويىننان كەيىن كوماندانىڭ تىزگىنىن ءوز قولىنا الادى.
وتكەن اپتادا قازاقستان قۇراماسى ەرەۆاندا ارمەنيا قۇراماسىنان 1:2 ەسەبىمەن جەڭىلگەن بولاتىن.
داستان كەنجالين،
استانا