Qosh bol, Hamze baýyrym!

О́mir degen qamshynyń sabyndaı qysqa degenge adamnyń kózi jetpeı áı sene qoımas. «Tas túsken jerine aýyr», — degen ǵoı babalarymyz, biz et jaqyn, kóz kórgen qurmetpen aralasatyn dostarymyzdan aırylyp qalǵanda baryp ah uryp qalamyz.

Búgin jer qoınyna janymyzǵa jaryq berip, aralasyp júrgen ardaqty dos, qaıyrymdy ári sabyrly jan, tuǵyrly tulǵa, fýtbol sheberi, aıalýy azamat Hamze Baqytuly baýyrymyzdy jer qoınyna tapsyrdyq.

Hamze 50 jastan asqan ardagerler arasynda qala birinshiliginde dop dodasynda óner kórestýshi edi. Kórsetkende qandaı, komandasynyń kóshbasshy sheberligi joǵary oıynshysy edi.

Men Hamzemen talaı ret úlken jarystar men kishigirim talasqa toly shaǵyn týrnırlerde birigip, bir komandada dop tepken seriktesi edim. Hamzeniń adamgershiligi, kisiligi, kishiligi týraly aıtyp aıyl jııa almaspyz.

Keshe sol alǵashqy taımda alańda júregi qysylyp shetke shyǵyp otyrǵan jerde baqılyq dúnıege kete barǵan eken. Qapyda kelgen qaza degen osy. Bárimizge Allanyń ólshep bergen ómiri bar ǵoı.Fýtbol dese ishken asyn jerge qoıatyn asyl dosymyzdyń ómiri de sol fýtbol alańynda úzilgen eken.

Baýyrymyzdyń sońǵy saǵaty soǵyp, kelmestiń kemesine minip kete bardy. Almatynyń «Maıak» atty shaǵyn aýdanyndaǵy zıratqa denesi qoıyldy. Marqumnyń qaıǵysyna ortaq bolyp kelgen halyqta esep bolmady. Alla baýyrymyzdy rahymyna alyp, janyn jannattan qylsyn dep duǵa tileımiz. Alla sátin salsa jan dosymyzdyń árýaǵyna arnap bolashaqta fýtboldan qalalyq jarys ótkizip, artynan quran oqyp duǵa baǵyshtasaq árýaǵy razy bolar edi. Iá, ol aldaǵy kúnniń úlesinde shyǵar.

PS.

Bir-birimizdi kózimiz tiri kezde syılar, qurmettep, aralasyp, habarlasyp tursaq odan artqan bul fánıde ne bar dep oılaımyn.

Erteń aıyrylyp qalǵan kezde qap men keshe habarlaspaǵanym-aı, dep ókinish ózegimizdi órtep qaıǵyǵa qamalyp qalmasaq bolǵany. Amandyqty bilip turaıyq aǵaıyn-týys, dos, batyrlar!.

Aqyn ORDABAIULY,

ALMATY