اقپەيىل ءوسىم ۆەلوسپورتتان ازيا چەمپيونى اتاندى

بۇگىن الماتى قالاسىندا تاس جولداعى ۆەلوسپورتتان ازيا چەمپيوناتىنىڭ كەزەكتى جارىس كۇنى بولدى، دەپ حابارلادى تۋريزم جانە سپورت مينيسترلىگىنىڭ سپورتتى دامىتۋ ديرەكتسياسى.

23 دەيىنگى قىزدار اراسىنداعى 112،6 شاقىرىمتوپتىق جارىستا ۇلتتىق قۇرامانىڭ سپورتشىلارى قوس جۇلدەنى جەڭىپ الدى. وتانداسىمىز اقپەيىل ءوسىم مارە سىزىعىن 2:56:51 ۋاقىت كورسەتكىشىمەن ءبىرىنشى بولىپ كەسىپ وتسە، ەليزاۆەتا سكلياروۆا قولا مەدال يەلەندى. كۇمىس جۇلدە يندونەزيالىق دەۆيكا سوۆاعا بۇيىردى.

ازيا چەمپيوناتىندا جەڭىسكە جەتكەن ۆەلوشاباندوزدار ەل نامىسىن ابىرويمەن قورعاپ، نامىستى قولدان بەرمەيتىنىن ايتتى.

ءبىرىنشى كەلگەنىمە ءالى دە سەنە الماي تۇرمىن. جارىستا قارسىلاستارمەن عانا ەمەس، ىستىق اۋا رايىمەن دە كۇرەسۋگە ءماجبۇر بولدىق. بىراق، سوندا دا جەڭىلمەۋگە تىرىستىق. ماقساتىمىزعا جەتتىك، قۋانىشتىمىن، — دەدى اقپەيىل ءوسىم.

ازيا چەمپيوناتى ەرتەڭ اياقتالادى.