SportPress.kz Qazaqstan sport jańalyqtary
Memleket basshysy Qasym-Jomart Toqaev shahmattan jastar arasyndaǵy álem chempıony Qazybek Nógerbekti quttyqtady, dep habarlady Aqorda.
Prezıdent Qasym-Jomart Toqaev Úndistannyń Gandınagar qalasynda ótken álem chempıonatynda qurmet tuǵyrynyń eń bıik satysyna kóterilgen Qazybek Nógerbekke quttyqtaý jedelhatyn joldady.
El namysyn qorǵap, úzdik shahmatshy retinde grossmeıster dárejesin ıelenip, álem chempıony ataný – zor jetistik. Ultymyzdyń abyroıyn asqaqtatatyn óziń sııaqty alǵyr da aqyldy urpaqtyń ósip kele jatqany qýantady. Aldaǵy ýaqytta da jarqyn jeńisterge jáne arman-maqsattaryńa jete berýińe tilektespin, – delingen jedelhatta.
Qazybek Nógerbek Úndistannyń Gandınagar qalasynda ótken 20 jasqa deıingi shahmatshylar arasyndaǵy álem chempıonatynda klassıkalyq shahmattan 11 týrdan keıin 8,5 upaı jınady.
Qazir Qazybek Nógerbektiń FIDE-degi reıtıngi – 2501.
Nógerbek ınnovaııalyq bilim berý baǵdarlamasynda shahmattan pedagog-jattyqtyrýshy mamandyǵy boıynsha oqıdy. Bul jeńis shahmatshyǵa altyn medal ǵana emes, Álem kýbogyna joldama da alyp berdi.
