الەمنىڭ ۇزدىك تەننيسشىلەرى وليمپياداعا قاتىسۋدان باس تارتىپ جاتىر

الەمنىڭ 10-راكەتكاسى تەگى تۋنيستەن شىققان فرانتسيالىق تەننيسشى ونس جابەر ءوز ەلىندە بولاتىن وليمپييالىق ويىندارعا قاتىسۋدان باس تارتتى. سونىمەن بىرگە وليمپياداعا بەلارۋستىڭ وكىلى ارينا سوبولەنكو مەن ۇلىبريتانيانىڭ سپورتشىسى ەمما رادۋكانۋ دا قاتىسپايتىنىن ايتتى.

ونس گيلل وليمپياداعا قاتىستى ويىن الەۋمەتتىك جەلىدە تۇسىندىرۋگە تىرىستى.

قۇرمەتتى جانكۇيەرلەر! مەن مەديتسينالىق توبىممەن كەڭەسە كەلە، پاريج وليمپياداسىنا قاتىسپاۋ تۋرالى شەشىم قابىلدادىم. قازىر مەنىڭ جاراقاتىم تىزىمە باتىپ تۇر. تىزەم سىرقىرايدى. وكىنىشتىسى سول، مەن وليمپيالىق ويىندارعا قاتىسا المايمىن.

وزدەرىڭىز جاقسى بىلەسىزدەر، مەن ارقاشان  ءوز ەلىمنىڭ اتىنان كەز كەلگەن جارىسقا قاتىسقاندى ۇناتامىن. بىراق ىشكى تۇيسىگىم وليمپياداعا قاتىسا المايسىڭ دەيدى. ونىڭ ۇستىنە دارىگەرلەر دە تالاپ قويىپ وتىر.  سوندىقتان بارىڭىزدەن كەشىرىم سۇراي وتىرىپ، كوماندالاستارىما ويىنداردا ساتتىلىك تىلەيمىن! مەن تريبۋنادا وتىرىپ، جانكۇيەر بولامىن، — دەدى ول.

وليمپيالىق ويىندارداعى تەننيس ءتۋرنيرى 26 شىلدە مەن 11 تامىز ارالىعىندا «رولان گارروس» جەر استى كورتتارىندا بولادى.

ءدال وسى سەبەپپەن اقش-تىڭ 2021 جىلعى چەمپيونى ەمما رادۋكانۋ دا ويىنعا قاتىسۋدان باس تارتتى. الەمنىڭ 3-راكەتكاسى بەلارۋس تەننيسشىسى ارينا سوبولەنكو دا جوعارىدا ايتقانىمىزداي، وليمپياداعا بارمايدى.

قازاقستان اتىنان وليمپياداعا ەلەنا رىباكينا، يۋليا پۋتينتسەۆا مەن الەكساندر بۋبليك قاتىسادى.

داستان كەنجالين،

استانا

pic.twitter.com/4lNTYAaKMA

— Ons Jabeur (@Ons_Jabeur) June 17، 2024